UEFA, ”Olimpiya” – "Xəzər Lənkəran” matçını bizlərə az-çox tanış olan
bir hakimə etibar edib. 35 yaşlı çernoqoriyalı Pavle Radovanoviç 21 yaşlılardan
və böyüklərdən ibarət milli komandalarımızın görüşündə fit çalıb.
Radovanoviç 2 ildir ki, FİFA referisidir. Onun idarə etdiyi matçların
birində yığmamız qalib gəldiyi halda, digərində məğlub olub. Belə ki, 2009-cu
ildə Azərbaycan millisinin səfərdə Lixtenşteyn üzərində 2:0 hesabı ilə qələbə
qazandığı qarşılaşmada baş hakim funksiyasını çernoqoriyalı həyata keçirib.
35 yaşlı hakim 21 yaşlılardan ibarət millimizin İtaliyaya (2008-ci il)
0:2 hesabı ilə uduzduğu matçı da idarə etməklə yanaşı, səfərdə keçirilən həmin
qarşılaşmada hətta qapımıza penalti də təyin edib.
|