Bu ilki çempionatda format
dəyişildiyi üçün ilk "6-lıq” komandaları
ilə 4-dəfə görüşməli olduq, ocümlədən "Neftçi” ilə. Bu görüşlər bəli rəsmən
hamısı 0:0 hesabı ilə "yekunlaşdırıldı”.
Niyə, yekunlaşdırıldı deyirik? Çünki hamınızın bildiyi müəyyən səbəblər var. Bu dörd qarsılaşmanın
birində qaydalara uyğun iki top vursaq da bunu hesaba almadılar. 2:0- lıq
qələbəmizi "yedilər”. Qalan 3 oyunda da müxtəlif vasitələrlə komandamızın
qələbəsinə əngəl oldular. Bir fikri deyim, builki 4 oyunda, "Xəzər
Lənkəran” "Neftçi”dən neçə baş
üstün oynadısa, "qalib gələ bilmədi”. Əyər, "Barselona” da Azərbaycan
çempionatında bu şərtlər altında çıxış etmiş olsaydı belə o da "Neftçi”yə qalib
gələ bilməzdi. Çünki, "Neftçi” ,”PGB” –dır,
yəni -"Papanın Gül Balasıdır” və bura Azərbaycandır.
Bu oyunda da hakim "simpatiyasına" onların ehtiyacı var idi ki, hakimlərimiz həmişəki kimi bunu onlardan "əsirgəmədilər". Həm mərkəz hakim olsun və ya yan hakimlər. Konkret Allan Lalinin ofsaydda olmadığı epizodu, ofsayd kimi qeydə almalarıyla.
Bu oyunda isə ümumiyyətlə,
90 dəqiqə ərzində tərəflər 4-5 real qo vəziyyəti yaratdı. İlk yarıda əvvəlcə əla
mövqedə qərarlaşan Mario Souza topu saxlamaq əvəzinə, qayçı zərbə endirməyə üstünlük
verdi ki, cəhdi uğursuz alındı. Ardından isə oyunçularımızın süni oyundan kənar
vəziyyət yaratmaq istəyi nəticəsində rəqibin ən yaxşı bombardiri – ruminıyalı
Adrian Neaqa maneəsiz cərimə meydançamıza daxil olaraq uzaq küncü nişan aldı, top az fərqlə meydanı tərk etdi.
Oyunun axarı ikinci
yarıda da dəyişmədi. Nadir qol vəziyyətlərindən biri qapımız qarşısında
yarandı. "Neftçi”nin hücumçuları müdafiəçilərimizin sayıqlığını ani
itirməsindən yararlanıb cərimə meydançamız daxilindən iki zərbə endirdilər. Əvvəlcə
top müdafiəçidən qayıtdısa, təkrar zərbəni Kamran Ağayev mükkəmməl seyvlə
çıxardı. Komandamız buna Allan Lalinin qaçırdığı qolla cavab verdi. Dieqo
Souza-Mario-Allan üçgedişli kombinasiyasının sonunda honduraslı futbolçumuz əla
fürsət yaxalasa da, sol ayağının əvəzinə, sağdan istifadə edərək dəqiq zərbə
vura bimədi. Artıq bu dəqiqələrdə komandamız nisbətən üstün oynamağa
başlamışdı. Xüsusilə meydana daxil olan kimi fəallığımızı artıran Denis
Kalinkovu qeyd etmək lazımdı. Adicə bir fakt: moldovalı meydana çıxanadək,
ikinci yarıda futbolçularımız rəqibin cərimə meydanına bir asma belə
etməmişdilər. Kalinkovun iki dəfə uzaqdan zərbə vurmaq cəhdlərini rəqib
müdafiəçilər boşa çıxardı. Bununla belə, super solaxay hakimin əlavə etdiyi
dəqiqələrdə şans yaxaladı. Amma təəssüf ki, onun 18-20 metlik məsafədən vurduğu
zərbə düz qapıçı Paulius Qribauskasın üstünə getdi.
Komandamız xal itirsə də, əsas rəqibləri –
"İnter”lə "Bakı”nın məğlubiyyətlərindən yararlanaraq nəinki liderliyini qorudu,
həm də ikinci pillədə qərarlaşmış "bankirlər”lə xal fərqini ikiyə yüksəltdi. Bazar
günü – mayın 9-da "Xəzər Lənkəran” bəlkə də mövsümün ən ağır matçına çıxacaq –
komandamız Ağdamda "Qarabağ”ın qonağı olacaq.
Bu səfər qələbəsi, turun digər oyunlarının, konkret "Bakı” – "İnter” matçının istənilən hesabla heç-heçə nəticələnəcəyi
təqdirdə, son turun nəticəsindən asılı olmayaraq komandamızı çempion edəcək.