Mediaya, o cümlədən http://12cioyuncu.com saytına
təqdim olunan bu bəyənat videogörüntü ilə birlikdə göndərilmişdir. Bəzi
saytlarda bu göndərilmiş görüntülər fotoşəkil kimi təqdim olunmuşdur. "Xəzər
TV”-nin "Futbol Saatı”nda isə video şəklində nümayiş etdirilmişdir. "Bosman”
fanklubuna məxsus müvəqqəti http://Bosman.at.ua saytında da bu videonu izləyə bilərsiniz 17 fevral 2010-cu il tarixində
"Neftçi”-”Xəzər Lənkəran”
matçından sonra baş vermiş hadisə ilə bağlı "BOSMAN” fanklubunun bəyənatı Bu
videomaterialı təqdim etməkdə bizim məqsədimiz heç də qızışdırıcılıq deyil.
Əksinə belə xoşagəlməyən halların nümayişi gələcəkdə də belə halların baş verməsinin
qarşısını almaq məqsədidir. Kimlərsə bundan ibrət götürüb belə hallara yol verməsin
və nə qədər utancverici olduğunu dərk etsin. Fevral
ayının 17-si "Böyük oyun” adı almış "Neftçi”-"Xəzər Lənkəran” matçı bitəndən
sonra T.Bəhramov adına stadionun avtomobillər üçün nəzərdə tutulmuş giriş-çıxış
qapısından,”Gənclik” dairəsi ilə Təbriz küçəsini birləşdirən yolun əks tərəfindəki
avtomobil saxlamaq üçün olan kiçik meydançada "Xəzər Lənkəran” azarkeşlərinə məxsus
iki avtobus və bir neçə avtomobil dayanmışdı. Oyunun bitimindən sonra "Xəzər Lənkəran”
azarkeşləri avtobuslara əyləşmək üçün həmin meydançaya yığışıb yola çıxmalarını
gözləyirdilər. Elə bu zaman da azarkeşlərin stadiona fərdi
giriş-çıxış qapısından bir neçə yüz "”Neftçi” "azarkeşi” ərazidə yerləşən
"McDonalds” ın arxa tərəfində avtomobil saxlamaq üçün nəzərdə tutulmuş
meydançada toplaşıb özlərini səfərbər etdikdən sonra hücuma hazır vəziyyətə gəldilər.
Onlarla "Xəzər Lənkəran” azarkeşlərinin arasında şam ağacları olan sahə var
idi.Bu ağaclar olan sahədə yerdə müxtəlif
vasitələrı- daş, butulka, şam qozaları və s. Kimi sərt şeyləri yerdən
yığaraq onlar hücuma keçdilər.Hücum zamanı müxtəlif söyuş və etnik səpkili
şüarlar səsləndirməyə başladılar. Biz
yalnız onlar hücuma keçən anda kameranı işə sala bildik və təqdim olunan
bu materialı yaddaşa köçürə bildik. Onlar əllərindəki əşyaları "Xəzər Lənkəran”
azarkeşləri istiqamətində tullayaraq irəli gedir və onların da cavab verəcəyini
düşünərək özləri də bir neçə kamera ilə çəkiliş aparırdılar. Buradan və bəzi bu
kimi hallardan onların bu işinin sırf təxribat xarakterli olduğu aydın
görünürdü. Lakin ən azı "Çox sağ ol !” kəlməsi ilə qiymətləndirilməyə
layiq olan polis dəstələri vaxtında səfərbər olaraq onların qarşısını kəsdilər
və bir neçəsinin qolunu buraraq digərlərinin dağılışmasına səbəb oldular.
Bundan sonra hadisələr polisin köməyi ilə yumşalıb sakitləşməyə doğru getdi. Biz "Bosman” fanklubu olaraq belə halları
pisləyir və nə Bakıda, nə Lənkəranda nə də digər şəhər və rayonlarımızda bir
daha belə halların baş verməməsini arzulayırıq. "Bosman” fanklubunun idarə heyəti. 22.02.2010
| 
