 Redniki kövrəldən azarkeşlər… "Xəzər Lənkəran”ın
qarşılanma mərasimi haqqında saytımızda ətraflı məlumat verməyə çalışdıq. Amma
istənilən halda bu məlumatlar bizim gördüklərimiz və saytımızda təqdim
etdiyimiz fotolara əsasən oldu. Komanda üzvlərinin fikirlərini öyrənmək də istədik.
Ölkə kubokunun sahibi "Xəzər Lənkəran” komandasına bu uğuru qazandıran baş məşqçi
Mirça Rednikin fikrini də öyrənə bildik. Rumın mütəxəssis kövrək səslə qısa
danışdı: "Yol boyu
yüzlərlə maşının bizi müşayiət etməsi, Lənkəranın küçələrində minlərlə insanın
bizi alqışlaması elə sevindirici hissdir ki, sözlə ifadə etmək mümkün deyil.
Küçələrə axışan, evlərinin qapısına çıxaraq bizi alqışlayan uşaqlı, qadınlı,
qocalı hamı bizə sevgisini göstərdi. Sevincimdən az qala ağlayacaqdım. Harada
olmuşamsa belə bir qarşılanma heç yerdə
heç vaxt görməmişəm.” Mənbə: "12cioyuncu.info”
| 
