"Xəzər Lənkəran” komandasının futbolçuları bu gün meydanın hər qarıışı üçün mübarizə apardılar. Keçən oyunda buraxdığı səhvə görə oyundan sonra özünü qınayan Simao Bruno bu gün rəğbətə layiq oyun nümayiş etdirdi. Uobay Juliusun texnikası , Uinston Parksın gözəl futbolu , Rahid Əmirquliyevin əzmkar oyunu, Adrian Skarlataçenin ağıllı müdafiəsi , Elnur Abdullayevin top saxlamaq ustalığı, Opara Emekanın oyun dəyişmək bacarığı , Stellian Stankunun xətt boyu topla davranışı, qələbədə onları pay sahibi etdi. Mirça Rednik iki dəyişiklik edərək oyunu və nəticəni dəyişərək dahi məşqçi olmasını bir daha göstərdi. Bu oyun "Xəzər Lənkəran” komandasının möhtəşəm uğuru kimi yaddaşlarda qalacaq. 

            Azarkeşlərimiz də komandaya hər zamankı kimi dəstək oldular və haqq etdikləri qələbə sevincini üç qolla yaşadılar. Oyun sonrası təşkil olunan mətbuat konafransında qonaq komandanın baş məşqçisi azarkeşlərin yaratdığı atmosferi xüsusi qeyd edib.

            Nazim Süleymanov, AZAL klubunun baş məşqçisi: "Bu cür azarkeşlər önündə gözəl futbol oynamamaq günah olardı. Bir çox səhvlər buraxdıq. "Xəzər Lənkəran” klubunu qələbə münasibəti ilə təbrik edirəm. Bu mövsüm ilk dəfə idi ki, belə hesabla məğlub olduq. Oyunu analiz edib səhvlərimizi görməyə çalışacağıq”.

            Mirça Rednik, "Xəzər Lənkəran” klubunun baş məşqçisi: "Bir müddətdir ki, qalib gələ bilmirdik. Azarkeşlərimizi və komandanın oyunçularını qələbə münasibəti ilə təbrik edirəm. AZAL komandasına böyük hörmətim var, yaxşı təşkilatlanmış komandadır. Lakin, bu futboldur. Qələbə qazanacağımıza inanırdıq”.