Əvvəlcədən də bilindiyi kimi hazırki Rumın baş məşqçimiz Mirça Rednik, İstanbulda "Xəzər Lənkəran” rəhbərliyi ilə görüşdən sonra daha bir il komandamızda öz vəzifəsini yerinə yetirəcək. Rumıniyanın "Gsp.ro” internet saytının eksklüziv olaraq verdiyi başlıqlı xəbərdə onun bu görüşdə daha bir il "Xəzər Lənkəran”la müqavilə imzaladığı bildirilir.

Bu yaxınlarda mövsümü ölkə kubokunu qazanmaqla bitirən və çempionatda ikinci yeri tutan Mirça Rednikli "Xəzər Lənkəran” klubu onun növbəti mövsüm üçün bu komandayla çempion olacağına və həm də Avropa Liqasında uğurlu çıxışına inanaraq bu addımı atmış olub.

Həmçinin xəbərdə bildirilir ki, bəzi icarə əsasında oynayan, Scarlatake və Muşat kimi Rumın futbolçular artıq geri döndüyündən Azərbaycanın  "Xəzər Lənkəran” klubuna qayıtması üçün may ayından pul köçürülmələrini gözləyirlər.

"Gsp.ro” saytı onu da bildirib ki, baş məşqçimiz Mirça Rednik onlara verdiyi müsahibədə bu komandada xoşbəxt olduğunu, həmçinin bu komanda ilə böyük planlarının olduğunu dilə gətirərək bunları deyib:-"Mənim bu komanda ilə böyük arzularm var, burada özümü çox yaxşı hiss edirəm və mən bu komanda ilə öz məqsədlərimə çatacağıma ümid edirəm".