Dünən
Antalyanın Bələk bölgəsində təlim-məşq toplanışını davam etdirən komandamız
ikinci yoxlama görüşünü Türkiyənin "Kasımpaşa” klubuna qarşı keçirib. Çox təəssüf
ki, birinci yoxlama görüşündə Qazaxıstanın "Atırau” komandasına 1:2 hesabı ilə
uduzan komandamız, dünənki yoxlama oyununda da 1:4 hesabı ilə məğlub olub.
Ancaq
onu da deyək ki, "Xəzər Lənkəran”da heyətin böyük bir hissəsi dəyişikliyə məruz
qalıb. Buna görə də yenidən qurulan komandada bu görüşlərdə hələki hesab çox da
önəmli deyil. Əsas fiziki planda hazırlıqlarını davam etdirən komandamız yəqin
ki, yaxınlarda nəticə qazanmağa da çalışacaq. Hər halda "Xəzər Lənkəran”
hesabda əksini tapacaq qədər zəif komanda deyil. Heç baş məşqçimiz Mirça Rednikin
də zəif mütəxəssis olduğunu düşünmürük. O, bunu ən azı "Xəzər Lənkəran”da işlədiyi
bu qısa müddətdə sübuta yetirə bilib. Görünür bu mütəxəssisin hazırlıq planı hələ
hansısa istiqamətdə gedir. Baş məşqçimizin fikirləri ilə tanış olsaq buna bir
daha əminliyimiz artar.
Mirça
Rednik: -"Mən bura hazırlığa gəlmişəm, nəticə qazanmağa yox”.
Məşqçi
daha sonra bunları bildirib: -"Heyətə 9 yeni futbolçu gəlib, komanda artıq dəyişib”.
Mirça Rednik daha sonra bunları bildirib: -"Komandamızda əsasən fiziki yükləmələr
gedir. Doğrudan da futbolçuların oyunu mənim xoşuma gəldi. Amma nəticədən
narazıyam. Buraxılan 4 qolda bütün komandanın günahı var. Yorğunluq da özünü
göstərir və yaxşı olar ki, buraxdığımız qolları yorğunluqla əlaqələndirək. Biz
ritmdə olan" Superliqa komandasına qarşı oynadıq. Rəqibin hazırlığı yüksək
səviyyədədir, amma biz fiziki hazırlıq üzərində çalışmışıq. Mənim üçün nəticə
vacib deyil”.
Daha sonra Mirça Rednik bunları da
bildirməyi lazım bilib: -"İndi mənim üçün əsas hazırlıq və rəsmi oyunlarda nəticə
qazanmaqdır. Həm də bu oyunda ilk hissədə bir hücumçu var idi. Həm də ki, bütün
futbolçuları sınayıram. Mən bura hazırlığa gəlmişəm, nəticə qazanmağa yox”.
|