Son bir neçə gündə yəni, premyer liqanın ilk turunda "Sumqayıt Şəhər” komandası ilə görüşdən sonra "Xəzər Lənkəran” haqqında xəbərsizlik, azarkeşləri üzməyə başlayıb. Qeyri-rəsmi yayılan xəbərlərə görə isə komanda daha üç səviyyəli legionerlə müqavilə bağlamalı idi. Nə bu müqavilə bağlanacaq futbolçuların komandamıza keçidi haqda xəbərlər var, nə də ki, ümumiyyətlə avqustun 14-də "AZAL” komandası ilə ikinci tur çərçivəsində keçiriləcək oyuna komandamızın necə və harada hazırlaşdığı barədə. Bir yandan da komandamızın baş məşqçisi Mirça Rednikin bu günlərdə vətəni Rumıniyaya dönməsi xəbəri yayıldıqca, ümumiyyətlə səbrin son həddini belə aşmışıq. Komandanın taleyi ilə bağlı sanki bir sirli qutu önümüzdə olduğu halda daxilindəkilərin nələrdən ibarət olduğu nəfəs kəsməkdədir.

            İndicə aldığımız son məlumatlara görə komanda bütün heyətlə özünə məxsus avtobusla üzü Lənkərana tərəf hərəkətdədir. Avqustun 14-də səfərdə "AZAL”-a qarşı keçiriləcək oyunun hazırlıqlarına da məhz komanda doğma şəhərdə start verəcək.

            Ən sonda onu da öyrənə bildik ki, komandanın evə dönən avtobusunda baş məşqçi Mirça Rednik də yer alır.