Komandamız yoxlama oyununda məğlub oldu
Avstriyada hazırlıqlarını davam etdirən "Xəzər Lənkəran" bu gün növbəti yoxlama oyununu keçirdi. Bu dəfə rəqib Almaniya II Bundesliqasının daha bir təmsilçisi "İnqolştadt 04" komandası oldu.
Komandamız oyuna aşağıdakı start heyəti ilə çıxmışdı: Kamran Ağayev (k), Eder Bonfim, Andre Mureşan, Elnur Allahverdiyev, Dino Eze, Elnur Abdullayev, Dieqo Souza, Julius Vobay, Tosin Dosunmu, Borbeli Çaba, Florin Hidişan.
İlk dəqiqələrdən bərabər səviyyədə keçən matçda dəqiqələr keçdikcə, yeni qurulan müdafiənin buraxdığı səhvlər nəticəsində rəqib iki dəfə fərqlənib. İkinci hissədə isə məşqçilər korpusu Elvin Beqiri, Şəhriyar Xəlilov, Kamal Bayramov, Katalin Doman, Rahid Əmirquliyev, Joao Paulo Pinto, Emeka Opara, Marius Onofraş və Rikardonu meydana buraxıb. Rəqibin ikinci hissədə vurduğu daha bir qola yeni transferimiz Joao Paulo Pinto penalti zərbəsi ilə cavab verərək hesab arasındakı fərqi azaldıb. Lakin son dəqiqələrdə " İnqolştadt-04” klubu daha bir dəfə fərqlənərək yekun hesabi müəyyənləşdirib-1-4. Mənbə: "Lankaranfc.com"
|
