Noyabrın 27-də Hüseyn Cəbrayıloğlunun 37- yaşı tamam olur. "Futbol+” qəzetinin bölgə müxbiri kimi çalışan Hüseyn Cəbrayıloğlu ölkənin idman mətbuatında cənub bölgəsini layiqincə təmsil edir. Azərbaycan futbolunda ən böyük camiə olan "Xəzər Lənkəran” ailəsinin hər bir üzvü Hüseyn bəyin cəsarətli yazılarını sevə-sevə oxuyur. Qələmə aldığı yazılarında o çəkinmədən fikir bildirir və ədalət prinsipi tərəfindən çıxış edir. Onun mövqeyi "azarkeş həmişə haqlıdır” deyiminə əsaslanır və dəyişilməz qalır. Xüsusi istedadı hesabına Cəbrayıloğlu özünün köşə yazılarına şirinlik qatmaqla da oxucuların diqqətini çəkə bilir. Belə ki, Cəbrayıloğlunun "Dostuma məktub” başlıqlı silsilə köşə yazılarını bircə dəfə oxumaqla onun qələmə aldığı yazıların daimi oxucusuna  çevrilməmək mümkün deyil.

Belə ki, istedadlı yazar Hüseyn Cəbrayıloglu daimi doğru xətt seçərək, bunu yazılarında da təbii olaraq yaşadır. Biz "Bosman” fanklubu olaraq, bu istedadlı gənc yazarımıza can sağlığı, uzun ömür, ailə xoşbəxtliyi, sağlamlıq və yaradıcılıq işlərində yeni-yeni uğurlar arzulayırıq.