Bildiyimiz kimi, "Xəzər Lənkəran” Avropa
Liqası II təsnifat mərhələsinin Lənkərandakı Təl-Əvivin "Makkabi” klubu ilə cavab
qarşılaşması iyul ayının 21-də, saat 20:30-da "”Xəzər Lənkəran” Mərkəzi Stadionu”nda
baş tutacaq. Bu oyuna hazırlıqla bağlı stadionda görülən işlər, "Fırtınalar Meydanı”nın
bu oyuna nə dərəcədə hazır olması ilə bağlı və nəhayət matça giriş haqqında
olan məsələlərlə bağlı stadion rəhbərliyi ilə görüşdük. Görüşdə fanklubumuzu təmsil
edən "Bosman”ın rəhbəri Mirhafiz Babayev, komandamızın icraçı direktoru Höccət
Hacıyevlə görüşərək bu məsələlərlə əlaqədar bilgi almışdır.
Həm də stadionun direktoru.olan Höccət bəy,
lazım olan informasiyalar ilə bəzi suallara aydınlıq gətirib. Belə ki, UEFA
Avropa Liqasında keçiriləcək bu rəsmi matçla bağlı stadionda bütün işlərin
qaydasında olduğunu diqqətə çatdıran Höccət bəy.ş bu yöndə heç bir problemin
olmadığını deyib. Stadionun ot örtüyünün həqiqətən də ideal vəziyyətdə
olduğunun şahidi olan fanklubumuzun rəhbəri, digər lazım olan göstəricilərin də
tam qaydasında olduğunun şahidi olub. Bilet satışı ilə əlaqədar azarkeşləri
maraqlandıran suala da aydınlıq gətirilib. Yayılan bəzi söz-söhbətlərə görə 2
manata nəzərdə tutulan biletlərin 2m 50qəpikdən başlayaraq 4manata qədər
satıldığı haqda azarkeşləri narahat edən informasiyaların heç bir əsasının
olmadığı aşkar olunub. Höccət Hacıyevin rəsmi olaraq dediyi kimi, həqiqətən də
bu oyuna girişlə bağlı biletlərin yerindən asılı olmayaraq bir qiymətə nəzərdə
tutulduğu və yalnız 2manatdan satıldığı bildirilib. Həqiqətən də bu gündən
satışa çıxarılan biletləri stadionun kassalarından 2manata almağın mümkün
olduğu da dəqiqləşdirilib.
|