HK-nin sədri Xaqani Məmmədovdan tələb edirik!

             Dünəndən bəri bəzi informasiya mənbələrində yayılan bir xəbər diqqətimizdən yayınmadı. "Hakimlər komitəsinin məxfi planı” başlığı ilə yayımlanan xəbərdə 27 fevral 2011-ci il, XXII turda keçiriləcək "İnter” – "Xəzər Lənkəran” oyunundakı hakimliklə bağlı araşdırmalar yer alır. Burada göstərilir ki; - "Ramiz Əsədov, Maya Nəbiyeva və Əli Əliyev test-kuperdən keçə bilməyib və hər üçünün bu mövsümün sonuna qədər hakimlik etməyəcəyi haqda Hakimlər Komitəsinin sədri Xaqani Məmmədov komitənin iclasında bildirirb.”

            Daha sonra mənbələr onu da bildirir ki; - "İş təkcə Əsədovun bu oyuna təyinatıyla bitmir. İmtahandan keçə bilməyən Əsədovla bərabər Munis Abdullayev də həmin oyuna təyin olunub… Cəzalı Əsədovu bu oyuna təyin etmək ona işarədi ki, çıx, "günahlarını yu"... - Əgər Cənub klbunu uduzdura bilsəz, onda test-kuperdəki uğursuzluğun əfv olunacaq.”

            Bu birbaşa doğma klubumuz "Xəzər Lənkəran”la bağlı məsələ olduğundan bizi narahat etməyə bilməz. O cümlədən xüsusən azarkeşləri dost münasibətdə olan iki klub arasında bunun baş verməsi nələrəsə kölgə salmaq cəhdi ola bilər. Əgər "Xəzər Lənkəran” əleyhinə hər hansı belə bir cəhd olarsa, "İnter”li qardaşlarımızın bu yöndə obyektivliyi və ədaləti müdafiə edəcəklərinə indidən əminik. Matçın teletranslyasiya olunmaması da şübhələrə və yayılan söz-söhbətlərə haqq qazandıran kimi görünür.

            Biz onu bilmək istərdik ki, Hakimlər Komitəsinin sədri Xaqani Məmmədov niyə yayılan bu söz-söhbətlərə rəsmi münasibət bildirmir. Əgər belə bir narahatçılıq yoxdursa, onda bu məsələyə Xaqanıi Məmmədovun rəsmi olaraq münasibət bildirməsini tələb edirik.

Azərbaycanda "2015-ci ilə qədər Futbolun İnkişafına Dair Dövlət Proqramının” hakimliklə bağlı müddəaları da olduğundan Xaqani Məmmədovun bu məsələyə rəsmi münasibət bildirməyə borclu olduğunu bir daha onun diqqətinə çatdırırıq.

            Ümid edirik ki, yuxarıda xatırlatdığımız "Dövlət Proqramının” tələblərinə uyğun olaraq nəinki bu matçda, digər matçlarda da komandamız "Xəzər Lənkəran"a və ümumiyyətlə heç bir Azərbaycan klubuna qarşı haqsızlıqlara rast gəlməyəcəyik. 

            Qoy, haqq edən qazansın!

"12-ci oyunçu” azarkeş qrupu                 

"Bosman” fanklubu                                 25 fevral 2011.