Komandamızın
baş məşqçisi Mirça Rednik "Xəzər Lənkəran”a gəldiyi gündən öz ölkəsinin mətbuatı
da onu demək olar ki, gündəlik diqqətdə saxlayır. Məhz bu da onun diqqətəlayiq
bir mütəxəssis olduğunun göstəricilərindən biridir. Belə ki, "Xəzər Lənkəran”dakı
son hadisələrə də toxunan Rumın mətbuatı bu barədə "Asport.ro” saytında belə məlumat
verir.
Təxminən son
bir həftə ərzində Mirça Rednikin komandadakı taleyinə aydınlıq gəlməli idi. O
bunu klub rəhbərliyi ilə görüşdən sonra müəyyənləşdirəcəkdi. Onun komandada
qalmasını istəyən azarkeşlərin haqqında isə bəzi məlumatlar da verilir. Belə
ki, komandanın axırıncıdan əvvələ təsadüf edən Lənkərana dönüşü zamanı "Bosman”
fanklubunun onu və komandaya olan dəstəyini nümayiş etdirən banner açdığını elə
bu kadrı verməklə sayt məlumat vermiş olub: ( http://asport.ro/cautare?s%5Bsearch_txt%5D=mircea+rednic&x=16&y=6
)
Bunun mümkün
olmayacağı da ola bilər. Çünki komandadakı əksər legionerlərin kənarlaşdırılması,
Redniki çətin vəziyyətdə qoyur. Lakin
fan hərəkatına diqqətlə yanaşan klub rəhbərliyinin qərarı nəticəsində dünən komandaya
Elnur Abdullayev, Kamal Bayramov, Andrey Mureşan, Katalin Doman, Adrian Pits,
Bonfim Eder, Julius Wobay, Elvin Beqiri və Rikardo Qomeş qayıdıb.
Daha sonra "Asport.ro”
saytına Rednikin verdiyi belə məlumat göstərilib: "Mən rəhbərliklə görüşdən
sonra yekun qərara gəlməliyəm və daha sonra günorta saatlarında Lənkərana yola
düşməliyik.” Xəbərdə, şəhərə daxil olarkən azarkeşlərin onları qarşılaması və
stadiona qədər müşayiət etməsi də, həmçinin göstərilən bannerlə qarşılarına
çıxdıqları da qeyd olunub.
|