Bildiyimiz kimi bu il Avropa milli komandaları üzrə qitə çempionatı keçiriləcək. Ev sahibliyi Polşa və Ukrayna respublikalarına müştərək olaraq məxsusdur. Onu da qeyd edək ki, bu ilki çempionat qitə üzrə sayca 14 dəfə keçirilir. Turnir üçün hazırlıqlar 2010 FİFA dünya çempionatından sonra başlanıldı. 

2012-ci ildə keçiriləcək bu çempionat Polşanın Qdansk, Poznan, Varşava və Vroslav şəhərlərində yerləşən stadionlarında, Ukraynanın isə Kiyev, Donetsk, Dnepropetrovsk və Lvov şəhərlərində yerləşən stadionlarda baş tutacaq.

Onu da qeyd edək ki, 8-iyun tarixində Polşa respublikasında açılış günündə iki oyun keçiriləcək. İlk açılış matçı ev sahibi Polşa ilə Yunanıstan arasında paytaxt Varşava şəhərinin "Milli Stadion”unda keçiriləcək. Bundan bir neçə saat sonra isə Vroslav şəhərinin "Vroslav Şəhər Stadionu”nda Rusiya milli komandası Çex respublikasının milli futbol komandası ilə münasibətlərini müəyyənləşdirəcək. Nəinki bütün Avropada, elə bütün dünyada da maraqla gözlənilən bu çempionatı bizim futbolsevərlər də böyük maraqla gözləyir. Onu da qeyd edək ki, bu turnirdə 16-milli komanda 4 qrupda mübarizəyə başlayacaq. Aşağıda həmin qruplar üzrə yer almış komandaları diqqətinizə çatdırırıq. Onu da qeyd edək ki, ilk belə çempionat 1960-cı ildə Fransada keçirilib və maraqlıdır ki, finalda iki sosialist dövləti mübarizə aparıb. Əlavə vaxtda vurulan qolla bizim də o vaxtlar təmsil olunduğumuz SSRİ milli komandası, Yuqoslaviyanı məğlub edərək, ilk Avropa Çempionu kimi tarixə düşüb. Nəzərinizə çatdıraraq onu da bildirmək istəyirik ki, keçirilən bütün Avropa milli komandalarının çempionatını və kuboku qazanan ölkələr haqda bundan sonra da məlumat verəcəyik.