"İnter” – "Neftçi” oyununda Neftçi azarkeşlərinin "Xəzər Lənkəran” komandasının daş-qalaq edilməsi ilə bağlı mətbuatda və futbolsevərlər arasında çox söz söhbətlər yaranmaqdadır. Bu günlərdə, sosial portallardan biri olan "Facebook"da maraqlı yazılara rast gəldik. Guya ki, "Neftçi” azarkeşlərinin bu hərəkətində "İnter” azarkeşlərinin əli var. Onlar "Neftçi” azarkeşlərini bu hərəkətləri etməyə sövq ediblər. Buna aydınlıq gətirmək üçün "İnter” fanklubunun vitse-prezidenti Elçin Həsənovdan fikrini öyrəndik.

          Elçin bəy, "facebookda" belə bir yazı yazılıb ki "Guya İnter Neftçi oyununda Neftçi azarkeşlərinin "Xəzər Lənkəran” klubunun avtobusuna etdikləri zorakılıqda "İnter” azarkeşlərinin əli var".  Bu haqda nə deyə bilərsiniz?

          Elçin Həsənov: "Onu yazanlar ağılsız adamlardır. Bu sadəcə İnter fanatlarına qarşı növbəti təxribatdır. Bütün futbol ictimayyəti bilir ki "İnter” və "Xəzər” fanatları dost, qardaşdırlar. Biz, Lənkərana səfər edəndə onlar hər zaman bizi elə şəhərin girəcəyində qarşılayırlar. Bizim onlarla çox isti münasibətlərimiz var və bunu həzm etməyən qüvvələr aramızda ixtilaf salmaq, iki dost fan qruplarını bir-birinə qarşı qoymaq fikrindədirlər. Amma onlara demək istəyirəm ki, nə qədər çalışsanız da buna nail olmayacaqsınız. Sadəcə bu növbəti provakasiyadır. Biz ümumiyyətlə heç zaman heç bir kluba və fan hərəkatlara qarşı sərt mövqe göstərməmişik. Biz hamı ilə 90 dəqiqə meydanda rəqib, kənarda səmimiyik. Bir daha təkrarlayıram bunu yazanlar futboldan anlayışı olmayan ağılsız insanlardılar”.

Müsahibəni götürdü Rəşad Quliyev

Mənbə: "Agli-goylu.ucoz.net”