Bu günlərdə "Xəzər Lənkəran” klubunda daha xoş bir gün qeyd olunub. Belə ki, komandanın icraçı direktoru, eyni zamanda ""Xəzər Lənkəran” Mərkəzi Stadionu”nun direktoru Höccət Hacıyev may ayının 18-də, ömrünün 46-cı baharını qeyd edib. Bu münasibətlə biz, "Bosman” fanklubu olaraq, Höccət bəyi təbrik edir, ona can sağlığı, şəxsi işlərində müvəffəqiyyət arzulayırıq.

            Höccət bəy, öz əməksevərliyi və bacarığı sayəsində doğma meydanımız olan "Fırtınalar Meydanı”nı daim matçların keçirilməsinə hazır vəziyyətdə saxlaya bilir. UEFA tərəfindən qəbul olunmuş və beynəlxalq yarışların keçirilməsi üçün təsdiq olunmuş bir arenanı lazımi səviyyədə saxlamaq çətin olduğu qədər də məsuliyyətli işdir. Təsadüfi deyil ki, bu arenada artıq həm gənclərdən ibarət, həm də əsas milli futbol komandamızın bir neçə rəsmi oyunu keçirilib və yaxın zamanlarda da bir neçə rəsmi beynəlxalq oyunların keçirilməsi nəzərdə tutulub. Buraya doğma "Xəzər Lənkəran”ın beynəlxalq arenada ötən mövsüm keçirilən və bu il də Avropa Liqası oyunlarının keçiriləcəyini nəzərə alsaq, onda Höccət bəyin necə bir məsuliyyətli işin öhtəsindən gələ bildiyi ortaya çıxır.

            Həmçinin Höccət bəyin bir icraçı direktor kimi işinin öhtəsindən bacarıqla gəldiyini deyə bilərik. Onun "Xəzər Lənkəran” azarkeşləri ilə olan isti münasibəti və onlara yaradılan bütün şərait azarkeşlər tərəfindən də yüksək qiymətləndirilir. Hamı kimi komandanın uğurlarında Höccət bəyin də böyük ölçüdə payı var.

            Biz bir daha Höccət Hacıyevi təbrik edir, ona bu işlərdə daha çox müvəffəqiyyət arzulayırıq. 46 yaşın Mübarək, Höccət bəy!