Bu gün "Bosman” fanklubunun rəhbəri Mirhafiz Babayev "12cioyuncu.info” saytında gedən "Ya «ötürmə» ver ya da susaq birdəfəlik !” adlı yazıyla əlaqədar, eləcə də "Futbol+” qəzetinin bugünki sayında qəzetin bölgə müxbiri Hüseyn Cəbrayıloğlunun "Oparanın qolu və yalançı çoban” sərlövhəli yazıda yer alan maraqlı bir təklifə münasibət bildirib. Aşağıda "12cioyuncu.info” saytında dərc olunan fanklubumuzun rəhbərinin adı çəkilən saytın e-mail ünvanına göndərmiş olduğu müraciətin tam mətni ilə tanış olun.

                       Biz hər şeyi olduğu kimi görürük !

            Saytımızın e-mail ünvanına "Bosman” fan klubunun rəhbəri Mirhafiz Babayevin göndərdiyi məktub daxil olub. Fan klub rəhbəri, saytımızda təqdim olunan «Ya «ötürmə» ver ya da susaq birdəfəlik !» adlı yazıyla əlaqədar, eləcə də "Futbol+” qəzetinin bugünki sayında qəzetin bölgə müxbiri Hüseyn Cəbrayıloğlunun "Oparanın qolu və yalançı çoban” sərlövhəli yazıda yer alan maraqlı bir təklifə münasibət bildirib. Məktubu olduğu kimi təqdim edirik:

            "12” nömrəli oyunçudan, yəni İslam bəydən türklər demişkən "divar pası” alaraq, mən 4-nömrəli oyunçu olaraq ( «Xəzər Lənkəran»ın fan klubları arasında yaranma tarixinə görə 4-cü fan klub) yenə onun özünü nisbətən irəli mövqeyə çıxmasına şərait yaradıram. Məntiqi sonluğa çatmaq üçün onun da orta sahə oyunçusu Hüseyn Cəbrayıloğluna ötürmə etməsinə işarə edirəm. Çünki bugünki (qəzetdəki) çıxışı müəyyən taktiki yenilikdən xəbər verir. Hakimlərin komandamız əleyhinə qərarlarını və bu qərarları da verərkən sanki qıraqdan kiminsə göstərişlərinə əməl etdiklərini görərək orta sahə oyunçusu Hüseyn Cəbrayıloğlu yenə də qələbənin əlimizdən alınacağını düşünərək orta sahənin digər oyunçularına (oxu: saf düşüncəli jurnalistlərə) işarə edərək həm də teleaparıcıların (futbol verilişlərindəki hakimlərə "haqq qazandıran” üzdəniraq şərhçilərin) izləyiciləri avam yerinə qoymaq istəyən (əslində avam və ya … özləridir) üzdəniraq şərhlərinin qarşısını almaq üçün bu biabırçılıqları aradan qaldırmağın yollarını orta sahə oyunçularının (oxu: jurnalistlərin) birləşərək bir yol fikirləşilib aradan qaldırılması taktikasına uyğun olaraq bir müddət öz aralarında ötürmələr edərək zərbə mövqeyinə çıxa biləcək hücumçunu gözləmək düşüncəsi ilə 12 nömrəli futbolçudan "divar pası” alıb onun özünü nisbətən irəli mövqeyə çıxardım və onun da ötürməni orta sahə oyunçularına ötürməsini işarə etdim. İnşAllah düşünülmüş yeni taktiki planın məntiqi sonluqla nəticələnəcəyinə, yəni qol vurub qələbə qazanacağımıza ümid edirəm.

P. S. Jurnalistlər o cümlədən Hüseyn Cəbrayıloğlu nə bizim kimi azarkeş və ya fanat qurumlarına daxil deyillər. Həmçinin nə klub rəsmiləri və nə də futbol qurumlarının rəsmiləri deyillər deyə onları orta sahə oyunçuları kimi təqdim edirik. Bir də ki, jurnalsitlərin vəzifələrinə daxil olan məsələlərdən biri də azarkeşlərin fikirlərini rəsmilərə çatdlrmaq ( körpü rolu) olduğundan onları orta sahə oyunçusu kimi təqdim etməyi məntiqə uyğun sayıram.

P. P. S. Həm də obyektivlik naminə gözəl mövqe tutan jurnalistlərimiz o cümlədən Hüseyn Cəbrayıloğlunun xüsusən bugünki "Futbol+” qəzetindəki jurnalistlərə yönəlik müraciəti, eyni zamanda haqqsevər azarkeşlərlə mövqe birliyi dediyimiz "ötürmə” və "divar pasları” üçün zəmin yaradır. Qısası iki eyni obyektiv münasibət üst-üstə düşür.

Mirhafiz Babayev «Bosman» fan klubunun rəhbəri.