Bildiyimiz kimi, ötən həftənin şənbə günü, bizim vaxtla saat 21:30-da Avstriyada təlim-məşq toplanışında olan "Xəzər Lənkəran” klubu ilk yoxlama oyununu Almaniyanın II bundesliqa təmsilçisi məşhur "Dinamo” Drezden klubuna qarşı keçirib. Komandamız haqqında  müəyyən, xüsusən Uinston Parks və digər futbolçuların gedişi ilə əlaqədar narahatçılıqların olduğu bəzi informasiya vasitələrində qabardılsa da, "Xəzər Lənkəran” Bundesliqa təmsilçisindən üstün oyun sərgiləyə bilib. Qapımız qarşısında heç bir təhlükəli vəziyyətə imkan verməyən müdafiə xəttimiz, hücumda da tam heyətimizin olmamasına baxmayaraq yaxşı təsir bağışlayıb. Beləliklə, qapısından top buraxmayan komandamız, rəqib qapısı önündə bir neçə real qol vəziyyəti yaratmasına baxmayaraq hesabı açmağa müvəffəq olmayınca ilk yoxlama oyunumuz qolsuz bitib. Klubumuzun rəsmi saytı və həmçinin "Dinamo" Drezdenin rəsmi saytı bu oyun və heyətimiz haqqında mümkün qədər ətraflı məlumat yayıb ki, bunu sizlərin diqqətinə çatdırırıq: 

   ”Xəzər Lənkəran” Bundesliqa təmsilçisi ilə heç-heçə etdi

Avstriyanın Fulpmes şəhərciyində hazırlığını davam etdirən komandamız bu gün Almaniyanın 2-ci Bundesliqa təmsilçisi " Dinamo” (Drezden ) komandası ilə ilk yoxlama oyununa çıxıb. Neustift şəhərciyində yerləşən meydanda keçirilən oyuna " Xəzər Lənkəran” aşağıdakı start heyətlə rəqibi qarşısına çıxıb: Kamal Bayramov, Elnur Allahverdiyev (k), Manuel Skarlatake, Elvin Beqiri, Rahid Əmirquliyev, Elnur Abdullayev, Katalin Doman, Dieqo Souza, Andrey Mureşan, Onofranş və baxışda olan futbolçu ( klubla müqavilə bağlanmadığından adı açıqlanmır).

İlk dəqiqələrdən topa sahib olan " Xəzər Lənkəran” ilk 15 dəqiqə ərzində ərazi üstünlüyünü də ələ keçirərək tək toxunuşlu ötürmələrlə rəqibindən üstün oyun sərgilədi. 15-ci dəqiqədə baxışda olan futbolçumuzun qüvvətli zərbəsini rəqib qapıçı çətinliklə kornerə çıxardı. Futbolçularımızın bir-biri ilə yaxşı anlaşması sayəsində Bundesliqa təmsilçisi demək olar ki, bir dəfə də olsun qapımız önündə real qol vəziyyəti yarada bilmədi. İlk hissənin sonuna 5 dəqiqə qalmış bu dəfə Katalin Doman qola yaxın oldu. Lakin " Dinamo”nun qolkiperi yenə də yaxşı oynayaraq qola imkan vermədi.

            İkinci hissədə rəqib komandanın heyətində olan çoxsaylı dəyişiklər qarşısında baş məşqçimiz Şəhriyar Xəlilov, Orxan Sadıqlı, Alim Qurbanov, Tosin Dosunmu dəyişikliklərinə əl atdı. Rəqibin önündə sona qədər kombinasiyalı və sabit oyun sərgiləyən " Xəzər Lənkəran” matçın sonuna qədər qapısını toxunulmaz saxlamaqla yanaşı cinahlardan qurulan hücumlarla da " Dinamo”nu daim təzyiqdə saxladı. Avstriyalı referinin final fiti ilə matç qolsuz bərabərliklə başa çatdı.

Biz "Dinamo” Drezdenin rəsmi internet saytında ( www.dynamo-dresden.de/  ) da bu oyunla bağlı gedən məlumatı və fotoşəkilləri təqdim eririk:

Dördüncü təlim-məşq toplanışı, performansında Lənkərana qarşı heç-heçə

Şənbə günü  Avstriyada təlim-məşq toplantısında olan "Dinamo” Drezden ikinci test oyununda Azərbaycanın elita komandası olan "Xəzər Lənkəran” qarşı heç-heçə 0:0 oynayıb. Hər iki komanda daha çox 90 dəqiqə ərzində rəqabət aparıblar, həlledici məqamlarda isə üstünlüyü reallaşdıra bilməyiblər.

"Dinamo”ya bu gün nəticədən çox bəzi gedişləri və yeni futbolçuları yoxlamaq daha vacib idi. Bu yeniliklərin məqsədi xəttlərarası güclü anlaşmanın və sürətli reflekslərin xarakterizə edilməsi baxımından əhəmiyyətli idi.

Yeni Fransız oyunçu VanH Willy Mbenoun komandaya və qaldığı otelə şənbə günü səhər hava limanından gələrək qoşulmasına baxmayaraq, heç bir perspektiv vəd etmədiyi də bu oyunda ortaya çıxdı. İki yeni Bosniyalı oyunçular Mirzə Dzafiç və Perica İvetiç də komandaya qoşulmuşdular. Xüsusilə baş məşqçi Ralf Loose, 30 yaşlı Dzafiçi bu oyunda 45 dəqiqə hücum xəttində yoxladı. Lənkəran klubuna qarşı isə 24 yaşlı Perica sol cinahda, müdafiə xəttində yoxlanıldı.

"Bu gün biz çox güclü və yaxşı təşkilatlanmış bir komandaya qarşı oynadıq. Nəticəni həlledici saymıram. Belə komandalara qarşı daha güclü heyətlə formalaşıb çıxmaq lazım olduğunu bildirmək istəyirəm."-deyə "Dinamo”nun baş məşqçisi Ralf Loose oyundan sonra bildirib. Daha sonra o bildirib ki, "Xəzər Lənkəran”a qarşı çıxış onu razı salıb:-"Biz bazar günü axşam bu futbolçuların atletik hazırlığı haqqında müvafiq məlumatları bildikdən sonra rəhbərliklə məsləhətləşmələr aparacağıq. Əlbətdə bir və ya bir neçə oyunçu da var. Marvin Knoll haqqında mən sizə müəyyən məlumat verə bilərəm. Maliyyə məsələsinin çətinlik yaratmayacağı təqdirdə onun, növbəti mövsümdə bizimlə birlikdə olmasını istəyirəm. Burada o, yaxşı bir başlanğıc göstərməyi bacardı.”-deyə "Dinamo”nun baş məşqçisi bildirmişdir.

Bazar günü fasilə olmadan davam edəcəklərini bildirən Ralf Loose, daha sonra Rumıniya komandası olan "Universitatya” Cluj komandası ilə Avstriyadakı üçüncü hazırlıq oyununu da keçirəcəklərini bildirmişdir. Həmin oyun isə İnternet "LAOLA1.tv” vasitəsi ilə canlı yayımlanacaq.

"Xəzər Lənkəran” - SG "Dinamo” Drezden 0-0

Eilhoff 1 - 6 Junhwirth, 33 Moeckel, 16 Stoll, 27 Schuppan (45 dən 15 Ampem Drobo) - 73 25 38 Koch), 24 Solga (45 3 Schnetzler) Fielding 40 (20 45), 18 Marco (45 dən 7 Heller) - 9 Fort (68th 2 Komvolidis), 22 Mirzə (45 8 Trojan)