Bilirsiniz ki, "Xəzər Lənkəran” azarkeşi komandasının rəqib meydanında oynamasına baxmayaraq, öz doğma meydanında böyük monitor vasitəsi ilə komandasının səfər oyununu "Fırtınalar Meydanı”ndan izləməklə daha bir ilkə imza atmış oldu. Bu xüsusən komandanın azarkeşlərinin "Blumfeld”ə buraxılmasında yaradılan maneələrdən sonra dəstək baxımından daha əhəmiyyətli idi. Bu, cismən uzaqda olmamıza baxmayaraq, ruhən və mənən komandamıza nə qədər yaxın olmamızın göstəricisi idi.  Təsadüfi deyildi ki, uzaq səfərdə olan komandamızın düşərgəsində də bu xəbərdən mütəəssir olan baş məşqçimiz Mirça Rednikin komandanı oyuna kökləməsi zamanı bu faktdan istifadə etməsi, futbolçularda özlərinə qarşı nə qədər inam yaratmış oldu.

Komandamıza belə bir motivasiyanı verməklə, bir ilkə imza atmamızda böyük rolu olan "ANS” teleşirkətinə, aparıcılar,  İlqar Mikayıloğlu və Mehman Rəsulova və ""Xəzər Lənkəran” Mərkəzi Stadionu”nun rəhbərliyinə, xüsusən komandanın icraçı direktoru Höccət Hacıyevə bu işdə göstərdikləri fədakarlığa görə təşəkkür edirik. Ümid edirik ki, cavab matçında da "ANS” telekanalı mərhələni adlamaqla növbəti oyunların minlərlə azarkeşlərə çatdırılmasına bundan sonra da öz imkanlarını səfərbər edəcək.

İmza; "Bosman” fanklubunun rəhbəri Mirhafiz M. Babayev

           "12-ci Oyunçu” azarkeş qrupunun rəbəri İslam Cabbarlı

15 İyul 2011.

QEYD: Bu məktub, adı çəkilən fanat qurumlarının rəhbərlərinin imzası ilə təsdiq olunaraq hər iki ünvana yola salınmışdır.