Bu
gün axşam saatlarında məlumat aldıq ki, Mirça Rednik artıq Bakıdadır.
Fanklubumuzu və bütün "Xəzər Lənkəran” azarkeşlərini narahat edən son hadisələrə
aydınlıq gətirmək üçün və onun komandada bundan sonra da fəaliyyətini davam
etdirməsi perspektivlərini öyrənmək üçün onunla görüşmək qərarına gəldik.
Onunla əlaqə saxlayıb yerləşdiyi ünvana yollandıq.
Görüşdə
Mirça Redniklə bərabər olan komandanın fiziki hazırlıq üzrə məşqçisi Ciovanni
Melkiore də iştirak edirdi. Biz Mirça Rednik və komanda haqqında olan azarkeşlərimizin
narahatlığını ona bildirdik və onun azarkeşlərimiz tərəfindən çox sevildiyini və
komandada qalmasını arzuladıqlarını onun diqqətinə çatdırdıq. Əvəzində Mirça
Rednik onun da azarkeşlərimizi çox sevdiyini və onlardan ayrılmağın onun üçün
çox çətin olduğunu bildirdi. O həm də bildirdi ki, normal şərait olacağı təqdirdə,
hətta karyerasını burda, "Xəzər Lənkəran”da bitirmək istəyir. Çünki bu kluba və
onun azarkeşlərinə çox bağlıdır. Sabah futbolçularımızın əksəriyyəti Bakıya gələcək
və klub rəhbərliyi ilə söhbətdən sonra hər şeyə aydınlıq gələcək. "Makkabi” ilə
görüşün nəticəsinə üzüldüyünü deyən Mirça Rednik bunun heyətdəki böyük dəyişiklikdən
sonra komplektləşmədə yaranan problem ilə əlaqəndirdi. Həm də onu qeyd etdi ki,
bütün bunlara baxmayaraq "Xəzər Lənkəran”
heç də bu oyunda "Makkabi”dən zəif təsir bağışlamadı. Əgər heyətdəki böyük dəyişiklik
olmasa idi biz "Makkabi”ni keçməyə qadir idik. "Makkabi”nin əsas heyətinin 2
ildir ki, bir yerdə oynadığını da nəzərimizə çatdırdı.
Azarkeşlərimizin
ona salamlarını çatdırarkən həm də onların Mirça Rednikin komandamızda qalma
istəklərini və bu xəbəri həyəcanla gözlədiklərini baş məşqçinin diqqətinə
çatdırarkən o bundan çox məmnun olduğunu biruzə verərək dilə gətirdi. Sonda biz
onunla komandanın baş məşqçisi kimi bundan sonra da görüşmək arzusu ilə
sağollaşdıq. Ümid edirik ki, komanda rəhbərliyi də belə bir dəyərli mütəxəssisi
bizim yanımızda saxlayacaq.
|