Cümə Axşamı, 28/May/2020, 04:40
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  May 2011  »
BazarB.eÇ.aÇ.C.a.CŞə
1234567
891011121314
15161718192021
22232425262728
293031

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2011 » May » 1 » Biz sizi gözəl başa düşürük, mister Rednik!
13:50
Biz sizi gözəl başa düşürük, mister Rednik!

            Ölkə çempionatının XXIX turunda səfərdə Bakının "İnter” komandası ilə qarşılaşırdıq. Bu qarşılaşma artıq çempionatın sonuna üç tur qalmış baş tutacaqdı. Hər iki cəbhədə yəni həm ölkə kuboku, həm də çempionluq uğrunda mübarizə aparan komandamız son dövr üçün həftədə iki oyun keçirməli olduğundan qüvvəsinin bölüşdürülməsi problemi məsələsi ortaya çıxmışdı. Bildiyiniz kimi bu matça qədər ikinci pillədə qərarlaşan "Xəzər Lənkəran”, liderlə 8-xallıq bir fərqə sahibdi. Komandamızın ən az 9-xaldan edilməsi və digər bir komandaya xeyli xallar "hədiyyə edilməsi” turnir cədvəlinin belə indiki anormal vəziyyətə gəlib çıxmasına səbəb olmuşdur. Əgər çempionat obyektiv keçirilsə idi onda tam başqa bir turnir cədvəli qarşımızda olacaqdı.Yoxsa, normal turnir cədvəlində komandaların indiki düzülüşü yox, tam başqa bir düzülüş olmalı idi. Əlbətdə ki, bu cədvələ xeyli xal üstünlüyü ilə "Xəzər Lənkəran” başçılıq etməli idi. Bu il Azərbaycanda futbolun 100-illiyi qeyd olunur və bununla əlaqədar futbol qurumlarımız kimi isə çempion görmək istədiklərindən bu 100-ildə futbolumuzun başına gətirmədiklərini 100-cü il dönümündə gətirmiş oldular. Bu haqda çox yazılıb, çox deyilib.

Məhz elə bu səbəbdən də çempionatdan əlimizi üzmüş kimi bir faktla qarşılaşmış olduq. Buna görə də komandamızın kubok cəbhəsində mübarizə aparması daha məntiqəuyğun görünür. Ölkə futbolunun "əziz-xələfi”ni kubokdan layiqincə kənarlaşdıraraq öz yoluna davam edən komandamızın qarşısında yenə sədlər qalsa da, bu sədlər daha 100%-lik futboldankənar amillərə söykənən sədlər yox, heç olmasa 70%-in, 30%-ə söykənən futboldankənar maneələr anlamına gələ bilər. Bu reallığı komandamızın məşqçilər heyətinin də nəzərə alması məntiqidir. Bu səbəbdən də "İnter”lə XXIX turda məşqçilər korpusumuzun meydana buraxdığı heyətə nəzər yetirək:

"Xəzər Lənkəran”

 

1. Kamran Ağayev (k)

3. Elvin Begiri

(30. Katalin Doman, dəq.18)

5. Dieqo Souza

8. Nikulae Muşat

10. Elnur Abdullayev

(36. Uinston Parks, dəq.57)

11. Andrei Mureşan

14. Rahid Əmirquliyev

16. Adrian Pits

17. Hristu Kiyaku

27. Manuel Skarlatake

77. Stelian Stanku

(2. Elnur Allahverdiyev, dəq.46)

 

Ehtiyat oyunçular:

 

12. Yevgeni Kopil

18. Alim Qurbanov

19. İbrahima Banqura

84. Julius Vobay

 

 

 

Göründüyü kimi ənənəvi heyət və xüsusən də hücumdakı fiqurlarımızın olmaması dediklərimizi təsdiq edən faktlardır. Lakin ehtiyat oyunçular skamyasına baxdıqda burada məşqçilər korpusunun oyunun gedişinə görə bir sıra futbolçu və eyni zamanda taktiki dəyişikliklər edilməsinin nəzərdə tutulduğu da aydın görünür. Belə ki, çox qüvvə sərf etmədən və meydançanın da süni örtüklü yəni əngəlli olması nəzərə alınmış kimi görünür. Bu məqsədlə kubok oyunu öncəsi hücum xəttinin əsas fiqurlarının zədələnmə ehtimalı nəzərə almış məşqçilər korpusu ehtiyac olarsa və ya oyunun gedişi onları qane etməzsə, o halda matçın axarını dəyişdirəcək futbolçuları meydana buraxmağı nəzərə almışdılar. Bunların sırasında Julius Qibrila Uobay və Uinston Parks kimi futbolçular ehtiyatda əyləşmişdi.

Dediklərimizin sübutu üçün onu da göstərə bilərik ki, meydançanın süni örtüklü olması amıli 18-ci dəqiqədə Elvin Beqirinin zədələnərək məcburi əvəz olunmasına və oyunun ortalarında Dieqo Qusmao Souzanın zədələnərək xeyli müddət yerdə qalması və bir müddət də axsayaraq oyunu davam etdirməsinə səbəb oldu. Bu halda əvəzləmə limiti bitdiyindən Souza məcburi oyunu davam etdirməli oldu. Bu yerdə onu da nəzərinizə çatdıraq ki, əldə etdiyimiz məlumata görə Elvin Beqiri həm bu səbəbdən və həm də rəqib futbolçu Poşkusun butsılarındakı çıxıntıların onun dizini yaralaması və yaranın dərinin açılması səbəbindən oyunu yarımçıq saxlamalı olub və dizindəki açıq yaraya bir neçə tikiş qoyulub. Souza isə sırf süni örtük probleminə görə aldığı zədənin o qədər də ciddi olmaması üzündən hər iki futbolçunun kubok oyununda oynama ehtimalı var. Bu zədələrin o qədər də ciddi olmaması ilə bağlı sizlərə çatdıracağımız şad xəbər idi.

Elvin Beqirinin məcburi əvəzlənməsi yuxarıda dediyimiz, lazım olacağı halda matçın axarını dəyişə biləcək əvəzləmələr edilməsi planına mənfi təsir edən amil oldu. Amma buna baxmayaraq, bir daha dediklərimizin sübutu üçün onu göstərə bilərik ki, təkcə Uinston Parksın meydana daxil olması matçın axarını xeyli dərəcədə dəyişmiş oldu. Elə onun oyuna daxil olmasından sonra fəallaşan komandamız Parksın gözəl oyunu və pressinqi nəticəsində cərimə zərbəsi qazandırdı ki, bu da hesabın bərabərləşməsinə gətirib çıxardı.

Matça komandamız çox fəal başladı. 15-20 dəqiqə ərzində tam meydana və topa nəzarət edən tərəf olduq. Lakin hücum xəttində əsas fiqurlarımızın olmaması bu üstünlüyün qolla tamamlanmasında problem yaradırdı. Belədə həm orta və həm də müdafiə xətti ruhdan düşürdü. Futbolda bu həmişə belədir ki, komanda böyük üstünlüyə sahib olsa da qurduğu hücumlar qolla nəticələnmirsə, o halda həm orta, həm də müdafiə xətti sanki bezikmiş olur və səhvlərin artmasına səbəb olur.

Qaldı ki, iki cəbhədə mübarizə ilə əlaqədar komandanın qüvvəsinin düzgün

bölüşdürülməsi məsələsinə və Mirça Rednikin bunun öhtəsindən gəlməsi üçün atdığı addımlara, biz sizi gözəl başa düşürük mister Rednik! Bilirik ki, belə hallarda bütün dünyada ən məşhur klublar belə müəyyən dəyişikliklər etməyə məcbur olur. Biz sizə və komandamıza inanırıq. Ən əsası isə obyektiv olan Avropa arenalarında sizdən və komandamızdan gözəl oyun və gözəl nəticələr gözləyirik. Biz ruhdan düşmürük və sizi də ruhdan düşməyə qoymarıq! Mirça Rednikli "Xəzər Lənkəran”ın önümüzdəki günlərdə böyük uğurlar qazanacağına tam əminik. Ən azından bunu sizin karyeranız və Avropa təcrübəniz, klub rəhbərliyinin məqsədyönlü və sizə inanan fəaliyyəti, azarkeşlərimizin isə daim sizinlə olan birliyi və isti münasibəti söyləməyə əsas verir. Yaşasın böyük "Xəzər Lənkəran” ailəsi!

            Həm də ona da inanırıq ki, Avropa uğurları üçün formalaşdıracağınız heyət, bu uğurlardan sonra növbəti çempionatda hər kəsə yerini göstərəcək. Kimliyindən asılı olmayaraq yeni heyət  hətta vurduğu zərbələrlə hakimləri belə topqarışıq qapının içərisinə salacaq.   

Views: 436 | Added by: BOSSMAN | Dərəcələndirmə: 0.0/0
Cəmi Şərhlər: 0
Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz