Matçın gedişindən məlumatları "Şəfa” stadionundan telefon vasitəsi ilə "Bosman” fanklubunun rəhbəri Mirhafiz Babayev, "12-ci Oyunçu” azarkeş qrupunun rəhbəri İslam Cabbarlıya operativ olaraq çatdırmış və İslam bəy, bu məlumatları "12cioyuncu.com” saytında canlı olaraq "Xəzər Lənkəran” azarkeşlərinə təqdim etmişdir. Aşağıda bu işbirliyinin nəticəsi olan və "12cioyuncu.com” saytında canlı təqdim olunan məlumatları biz də oxucularımıza təqdim edirik. İslam bəyə də məlumatların operativ yerləşdirilməsinə görə təşəkkür edirik.

"MOİK” 0 – 2 "Xəzər Lənkəran”  

"Xəzər Lənkəran”ın start heyəti.

1. Kamran Ağayev,

2. Elnur Allahverdiyev,

3. Elvin Beqiri,

21.Radomir Todorov,

6. Adrian İordaşe

8. Konstantin Arbanas,

14.Rahid Əmirquliyev,

18.Alim Qurbanov,

12. Allan Lalin,

20.Amid Hüsyenov,

11.Asif Məmmədov.

            *Qeyd edək ki, Emeka Opara ehtiyat oyunçular skamyasında yer alıb. Görünür ehtiyac olduğu təqdirdə baş məşqçi onu da döyüşə atacaq.

Oyun başladı.

            *Oyunun ilk dəqiqələrində komandamız ardıcıl hücumlara cəhd etsə də bu hələ ki, heç bir nəticə verməyib. İlk 10-dəqiqə ərzində topa yiyələnmədə 45-55 % nisbətində üstünlük "Xəzər Lənkəran”ın tərəfindədir.

            *"Xəzər Lənkəran”ın futbolçuları topu daha çox  özlərində saxlamağa çalışırlar. Matç bir o qəsdər də sürətli getmir. Komandaların futbolçularının ustalıq səviyyəsi hiss olunur.

            *İlk 15-dəqiqədə hakim səhvləri müşahidə olunmur.

Tribunalarda 2000-ə yaxın azarkeş vardır ki, onların da hamısı cənub klubunun azarkeşləridir.

Komandaya durmadan gücülü dəstək olurlar.

            *Amid Hüseynov texnika nümayiş etdirərək rəqib müdafiəsinin arxasına ötürmə verdi. Məhşur gürcü futbolçusu olan  Kipyanini xatırladan ötürmə sonrası Lalin ofsayda düşdü.

            *Mərkəz xəttindən uzaq ötürmə verilir, rəqib qapısının sol tərəfində Lalin başı ilə daha bir ötürmə edir.  Müdafiəçilər sayıq oldular. Növbəti hücumda

qol vuruldu lakin ötürmə zamanı Todorov ofsayda düşdüyündən hesaba alınmadı.

            *QOOOOLLLL !!!

Alimin zərbəsi top qapı xəttindən çıxdı. Künc zərbəsinbdən ötürülən topu Elvin Beqiri başla qapıdan keçirir.

            *MOİK 0 – 1 "Xəzər Lənkəran”  Elvin Beqiri  (dəqiqə 27)

            *QOOOOOOLLLLL !!!

Elvin Beqiri ikinci qolu da "MOİK”-in qapısından keçirir. Cərimə zərbəsindən topu düz doqquzluğa yönəldən Elvin yenicə dünyaya gəlmiş oğlunun əvəzinə də qol vurdu.

"MOİK” 0 – 2 "Xəzər Lənkəran”  Elvin Beqiri  (dəqiqə 39)

Birinci hissə bitdi.

MOİK – "Xəzər Lənkəran” oyunundan məlumatları saytımzda təqdim etmək işində bizə yardım edən "Bosman" fan klubunun rəhbəri Mirhafiz Babayevə təşəkkür edirik. Qeyd edək ki, "Bosman"ın rəhbəri oyunu "Şəfa" stadionunda izləyir.

İkinci hissə başladı.

            *İkinci hissənin ilk dəqiqələrində "MOİK”-in futbolçuları irəli atılmağa çalışsalar da bu onlar üçün bir o qədər də asanlıla alınmır. "Xəzər Lənkəran” ikinci hissədə də təşəbbüsü əldə saxlamağa çalışır.

            *Bu dəqiqələrdə təhlükəli ötürmə və ardıyca vurulan  zərbə sonrası qapımız ağzında təhlükəli vəziyyət yaransa da Kamran Ağayev cəld tərpəndi.

            *Amid Hüseynov və Allan Lalin hərəyə bir dəfə qol vurmaq imaknından yararlana bilmirlər.

            *Amid Hüseynovu Opara Emeka əvəzləyir. O meydana daxil olandan sonra komandamızın hücumlarının kəsəri daha da artır. Az sonra Alim Qurbanovu Katalin Doman əvəzləyir.

            *Mərkəzdə Allan Lalinin top havada ikən bir toxunuşlu ötürməsini qəbul edən Opara Emeka elə top havada ikən sol ayağıyla gözəl zərbə ilə qapıya vurur. Top qapının doqquzluğu istiqamətində qapıdan azca aralı keçir.

            *Sağ cinahdan Asif Məmmədovun ötürməsi,  Opara və Lalin rəqibi  ikiyə-iki hücumda yaxalayır.  Lalinin qapıya zərəbəsini qapıçı qaytarır. O ikinci zərbəni qapıçını əzməmək üçün vura bilmir.

            *Sonuncu dəyişiklik.

Asif Məmmədovu 55-nömrəli futbolçu Tural Cəlilov əvəzləyir.

            *Allan Lalin başla zərbə vurur MOİK-in qapıçısı barmaqlarının ucu ilə topu çölə çıxarır. "Xəzər Lənkəran”ın hücumları oyunun sonunda da davam edir.

            *Oyuna 2-dəqiqə artırırlıb.

            *Sarı kart hələki verilməyib.

            *Hakim oyunu yxşı aparır.

            *Azarlkeşlər durmadan komandaya dəstək olurlar.

Oyun bitdi.

            *Komandanın futbolçuları  azarkeşlərə minnətdarlıq edirlər.

            *Oyun haqqında qısa olaraq bunları demək olar:

Oyun, əvvəldən sona qədər "Xəzər Lənkəran”ın üstünlüyü ilə keçdi.

 Komandaların topa nəzarət etməsini  belə qiymətləndirmək olar: - "MOİK” 32%  -  68% "Xəzər Lənkəran”

Bütün azarkeşləri təbrik edirik.

            *Sonda bir daha məlumatları saytımızda yerləşdirməkdə bizə yardım etdiyi üçün  "Bosman” fan klubunun rəhbəri Mirhafiz Babayevə təşəkkür edirik.