Cümə Axşamı, 28/May/2020, 05:26
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Noyabr 2012  »
BazarB.eÇ.aÇ.C.a.CŞə
    123
45678910
11121314151617
18192021222324
252627282930

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2012 » Noyabr » 19 » Bakesin acı dadan “Bakı”sı
14:47
Bakesin acı dadan “Bakı”sı

          

             "Xəzər Lənkəran”da baş məşqçi postuna gətirilmiş ispaniyalı, nəzəri futbol sahəsində çalışmış 39 yaşlı mütəxəssis, dünən professional olaraq ilk praktik sınağa çıxdı. Onun bu vəzifənin öhtəsindən uğurla gələ biləcəyinə baxışlar da birmənalı deyildi. Düzdür, bir oyunla yeni ölkədə və yeni komandada hər hansı mütəxəssisin işinə qiymət mənasında qərar vermək tələskənlik və bu səbəbdən qeyri-obyektiv xarakter daşıyıb yanlışlığa yol aça bilər. Amma hər hansı hadisə baş verərsə, hadisənin gedişinə və detallarına qiymət vermək mümkündür. Baş vermiş hadisəyə qiymət verməmək isə yaxasını kənara çəkmək kimi bir şeydir. Bu mənada dünən "Xəzər Lənkəran”ın səfərdə "Bakı”ya qarşı oyunu onu sevənlər üçün bir hadisəydi. Hadisə baş verdi və komandamız gözləmədiyimiz formada oyun nümayiş etdirərək, bu hadisədə məğlub oldu. Əlbətdə bu hadisənin detallarını müzakirə etmək və ona qiymət vermək haqqımızdır. Çünki ortada məğlubiyyət var və bu müzakirəmizin komandaya xeyri dəyəcəksə, bunu etməmək özü bir qəbahət xarakteri daşıyar.

            İndi düşünənlər də ola bilər ki, nə oldu belə futbol bilicisi oldunuz ki, "Barselona” məktəbinə də dərs keçmək fikrinə düşdünüz? Yaxud da əksinə, klub rəhbərliyi ilə görüşdən sonra onların baş məşqçi seçiminə dəstək verdiniz, bu necə olur?

Onu deməliyik ki, Bizim Karles Martorell Bakesin təyinatına münasibətimiz müəyyən araşdırmalarımızdan sonra ortaya qoyulub. Biz heç zaman əsası olmayan münasibət göstərmək ağılsızlığı ilə yanaşma etmirik. Bu mənada da Bakesin böyük bir məktəb keçdiyini və əvvəlki futbol biliciliyi işlərindəki uğurlarını nəzərə alıb belə bir münasibət bildirmişik ki, bu adam baş məşqçi postunda da uğur qazana bilər və belə tarixi faktların sayı onlarladır. Bu bir az riskli seçim olsa da adətən özünü doğruldur. Özünü doğrultmayan belə seçimlərin də olduğunu deməliyik. Amma bu belə olarsa, onun geniş futbol məlumatlarının və əlaqələrinin olması "Xəzər Lənkəran”a başqa tərəfdən xeyir verə bilər ki, onsuz da bu sahənin adamı olan bir kadrın yoxluğundan komandanın əziyyət çəkdiyi ortadadır. Bütün bunları nəzərə alıb, elə əvvəldən Bakesin komandaya xeyri dəyəcəyi düşncəsində olduğumuzu mövqe kimi ortaya qoymuşuq.

Dünənki hadisənin araşdırmalarını oxucularla bölüşmək istərkən isə bunları deməliyik ki, bu bir oyunla məşqçinin işinə qiymət vermək yox, sadəcə dünənki hadisəyə qiymət mənasınnı daşıyır. Bəli, dünən "Xəzər Lənkəran”, "Bakı”nın qonağı oldu və qapısından iki top buraxaraq məğlub oldu. Nəinki bu hesabla məğlubiyyət, heç gözlənilən oyunu belə göstərə bilmədi və obyektiv olaraq onu da deməliyik ki, acı hesab lap böyük də ola bilərdi. Fikrimizcə, bunun həm obyektiv və həm də subyektiv səbəbləri var. Obyektiv səbəblərdən bunları göstərə bilərik ki, yeni baş məşqçinin cəmi iki gündür ki, komanda ilə birgə olması, ehtiyat oturacağın dəhşətli dərəcədə qısa olması, son zamanlar komandanın hücum xəttində önəmli yer alan Sialmasın çox erkən zədələnməsi nəticəsində məcburi əvəzlənməsi və başqa faktorlar məğlubiyyətə yol açdı.    Bunu hamı bildiyi kimi biz də sadaladıq.

Subyektiv səbəbləri isə təbii ki, öz baxışlarımıza əsasən söyləyəcəyik. Əvvəla onu deməliyik ki, vaxtın azlığını nəzərə almalı olan Bakes, qızıl kimi qiymətli dəqiqələrin hamısını yeni komandası ilə tanış  olmaq, onlara öz futbol fəlsəfəsini aşılamaq, bir idmançı kimliklərinə həm fiziki, həm psixoloji cəhətdən dəyər vermək işinə diqqət yetirsəydi daha yaxşı olardı, nəinki gələcəyin işi olan potensial rəqiblərimizi gedib stadiondan izləməyə sərf etdiyi vaxt itirmə ilə.

Daha sonra, göründüyü kimi futboluna tam bələd olmadığın bir ölkədə rəqibi nə qədər yaxşı analiz etsən belə, oyunu müdafiədən qurmaq, top buraxmamağı əsas götürmək və yalnız imkan düşdüyü halda, oyunun gedişi də buna xeyir-dua verərsə, ya əks hücumlar və ya müəyyən taktiki gedişlər etməklə oyun üslubunda dəyişiklik etməyin lazımlılığı, yəni heç bir riskə getməmək şərti ilə öz oyununu oymama düşüncəsi olmalı idi. Özü də bu dünən daha vacib olan bir məsələ idi ki, müdafiəçilərin zədəli olduğu bir vaxtda futbolçu tapmayaraq, alışmadığı mövqedə Rahid Əmirquliyevi sağ kənar müdafiəçisi kimi məcbur oynatmaq və ona alışmadığı mövqedə ağır bir iş tapşırmaq. Bunun ikinci ziyanlı tərəfi isə Rahidin alışdığı və ana mövqe kimi effekt verdiyi, sol və orta sahənin iflic olması. Bundansa, daha yaxşı, vəziyyətin tələb etdiyi kimi komandanın bir çox üzvlərini müdafiəyə kömək üçün yaxın və ya sıx oynatmaq. Yəni özünün də əvvəl dediyi kimi, taktika komandanın potensialına uyğun qurulur fikrini əsas götürərək oynatmaq. Göründüyü kimi bunu nəzəri olaraq düzgün qiymətləndirir, lakin praktik olaraq yanılır. Bu Sialmasın erkən əvəzolunmasından sonra daha çox lazımlı seçim olsa da nədənsə bunun da şahidi olmadıq. Subaşiçin rəqibin cərimə meydançasında qapıçıya yaxın oynadılması da bir tərəfdən düzgün analizin nəticəsi olsa da burada tətbiqi bir az yerinə düşmürdü. Çünki fikir vermisinizsə, "Bakı”nın qapıçısı adətən üzərinə gələn topları nə tutur, nə də xətdən çölə göndərir. Bir qayda olaraq, gələn topları cərimə meydançasına doğru özündən uzaqlaşdırır. Belədə dönən topları təkrar qapıya göndərmək üçün gözəl şans yaranır ki, bu işin də öhtəsindən deyəsən Subaşiş gəlməli idi. Belədə fikir düzdürsə, tətbiqi yanlışdır. Gərək qapıya zərbə vurasan ki, qapıçı da onu dəf etsin və sən də imkandan yararlanasan. Sialmasın yoxluğunda isə demək olar "Xəzər Lənkəran” elə bir əməlli-başlı qapıya zərbə də endirmədi ki, Subaşiç də pusquda vaxt itirməsin. Ondansa, müdafiə xəttinə qoşulub sıxlıq yaratması bizcə daha effektli olardı və rəqibə qol şansları paylanılmazdı.

Birinci hissədən sonra bu deyilənləri və sair çatmamazlıqları görərək oyunun davamında taktiki dəyişikliklər ustası kimi tanımaq istədiyimiz Bakesdən daha faydalı üslub gözləsək də, demək olar bu da baş vermədi. Komandanın potensialına uyğun öz oyununu qurub oynamaqdansa, Bakes deyəsən rəqibin təhlilinə çox fikir verib oyun qurmaqla "Bakı”nı dişə çəkib yoxlamaq istədi. Nəticədə də dişə çəkilən "Bakı” çox acı dadla yadda qaldı.

Amma misal üçün onu da deyək ki, iti ağıllı və təcrübəli Rednik dəfələrlə oyunun gedişində apardığı dəyişikliklər hesabına həm oyunun axarını dəyişir və komandaya sərfəli nəticələr qazandırırdı. Buna isə bəziləri praqmatik futbol adı kimi bir ad da uydurmuşdular. Ümid edirik ki, növbəti oyunlarda Bakes də nəzəri biliklərini düzgün tətbiq etməklə praktiki olaraq nəticələr verəcək. Hər halda ən azı üç oyuna görə nə isə demək mümkün olacaq ki, bu limitin də artıq biri xərclənmiş sayılır.     

Views: 509 | Added by: BOSSMAN | Dərəcələndirmə: 0.0/0
Cəmi Şərhlər: 0
Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz