Bu gün "Xəzər Lənkəran” sabiq FİFA referisi Babək Quliyevlə əməkdaşlığa başladı. Keçmiş hakim "Xəzər Lənkəran”ın idman direktoru vəzifəsinə gətirildi.

            Babək Quliyev futbol həyatına 1983-cü ildə futbolçu olaraq başlamışdır. 2001-ci ildən etibarən hakimlik fəaliyyətinə start verən Quliyev 2002-ci ildən peşəkar keriyerasına FİFA referisi olaraq davam etmişdir. 2009-cu ilə qədər Azərbaycanı beynəlxalq arenalarda təmsil edən referi 2009-cu ildə hakimlikdən kənarlaşdırılmışdır. Bununla belə, Babək Quliyev futboldan uzaqlaşmamışdır. O, hal-hazırda bir sıra media orqanlarında futbol eksperti olaraq hakimliyin səviyyəsini şərh edir.

Mənbə: ”Lankaranfc.com”