Futbolu yenicə inkişaf etməyə başlamış Azərbaycan daha bir klubunu itirməli oldu. Bu çox təəssüf doğurucu bir xəbər olsa da, reallıqdır. Zaman-zaman meydanlarımızda öz xüsusi tərzi ilə seçilən, adlı-sanlı klublara həyəcanlı dəqiqələr yaşadan, get-gedə inkişaf belə edən, əvvəlcə Bakını, son ildə isə Sumqayıt şəhərini təmsil edən, lakin keçən mövsümün sonunda Premyer Liqada öz yerini qoruya bilməyən "Standard” klubu, birinci dəstədə də çıxış etməkdən imtina edərək, klub rəhbərliyi tərəfindən buraxılmış elan olunmuşdur.

                     Yeni təsis olunduğu ildən iddialı bir kluba çevriləcəyi, gələcəkdə də inkişaf yolunu tutacağı, son mövsümü çıxmaq şərti ilə çıxış etdiyi bütün illərdə futbol ictimaiyyətinin  rəğbətini qazanmış belə bir klubun dağılması Azərbaycan futbolu üçün böyük itki sayılaraq təəssüf doğurmaya bilməz. Arzu edək ki, bundan əvvəl də bir neçə klubumuzun buraxılmasından sonra bu hadisə sonuncu olsun.