Sankt Peterburq şəhərindən bizimlə telefon əlaqəsi saxlayan "İnter” fan klubunun ictimaiətlə əlaqələr departamentinin rəhbəri Elçin Həsənov "İnter” klubunu  MDB turnirində dəstəklədiklərinə görə Azərbaycanın cənub bölgəsindən olan və Sant Peterburqda yaşayan həmvətənlərimizə minnətdarlığını saytımız vasitəsi ilə bildirdi.

            Elçin Həsənov: "- Cənub bölgəsindən olan həmvətənlərimiz bizə qoşulur və  komandaya  lazımı olan dəstəyi əsirgəmirlər. Biz bütün "İnter”li fanatlar adından bizi Sankt Peterburq şəhərində də yalnız buraxmayan cənublulara və xüsusən də "Xəzər Lənkəran” azarkeşlərinə  minnətdarlığımızı bildirirk.”

            Xatırladaq ki, MDB kubokunun 1/4 final mərhələsində  Azərbaycanı təmsil edən "İnter” klubu Ermənistan klubu olan "Mika" ilə qarşılaşacaq. "İnter” klubuna bu oyunda uğurlar  arzulayırıq.

            Haydı bizim "İnter”,  Ermənilərin cavabını ver !

Mənbə: "12cioyuncu.com”

            Biz də "Bosman” fanklubu olaraq bu turnirdə "İnter” klubuna sona qədər uğurlar arzulayırıq. Hələ ki, Azərbaycanı layiqincə təmsil etdiyinə görə sevinirik. Bu gün isə "Mika” ilə oyunda layiqli qələbə arzulayırıq.

            Xatırladaq ki, bu turnirdə Azərbaycan klubları ilə Ermənistan klublarının ilk dəfə deyil ki, yolları kəsişir. Bu, Azərbaycan çempionlarının "Birlik kuboku"nda ermənilərlə 3-cü yol kəsişməsi, lakin ikinci görüşü olacaq. 2005 və 2006-cı illərdə "Neftçi" və "Pünik” qarşılaşmışdı. Bakılılar əvvəl 2:0 hesabı ilə qalib gəlsələr də, 5 il əvvəlki dueldə irəvanlılar "Neftçi" ilə görüşə çıxmaqdan imtina edib yarışı tərk etmişdilər. Həmin vaxt texniki qələbəyə sevinən "Neftçi" sonda kubokun sahibi olmuşdu.

            Bu neçə illər ərzində yenə "əlahəzrət təsadüf", Ermənistan komandası olan "Mika”nı, Azərbaycanı bu ilki turnirdə təmsil edən "İnter” komandasına rəqib etmişdir. Necə deyərlər:-"Ayəmdə düşər şəmbəyə Novruz!” Ancaq "Mika” bizimlə rəqib kimi görüşəcəksə də onlar "İnter”ə rəqib deyil!

            Uğurlar sənə "İnter”!