Nəhayət uzun və çox mənalarda gərgin keçən 2011/2012 futbol mövsümünün ölkə çempionatı hissəsi dünən başa çatdı. Əvvəlcə nəzərdə tutulduğu kimi təsnifat mərhələsi birinci və ikinci altığın tərkibini müəyyənləşdirdi. Əvvəlki qaydalara əsasən ikinci altılıqda elitanı tərk etməmək üçün mübarizə qızışarkən, birinci altılıqda çempionun və avropaya gedəcək digər üç komandanın taleyinə aydınlıq gəlməli idi. Qızğın və daha "qızğın” birinci altılıqda gedən mübarizə sona 3-tur qalmış çempionu müəyyənləşdirdisə, digər avrokuboklara gedən komandalardan birini də çempion özü ilə aparmalı oldu. Bu da kubokun finalında oynayacaq "Bakı” klubu idi. Avropaya daha iki vəsiqə uğrunda isə üç komandanın mübarizə apardığını görürdük. Bunlar "Xəzər Lənkəran”, "İnter” və "Qarabağ” idi. Hadisələrin gedişi bu iki vəsiqəni özü üçün təmin edəcək iki komandanın müəyyənləşməsini hətta sonuncu tura saxladı. Beləki, "İnter” digər paytaxt təmsilçisi "Bakı” üzərində qələbə qazanmaqla iki vəsiqədən birini əldə etdisə, sonuncu vəsiqənin isə taleyinə "Xəzər Lənkəran” – "Qarabağ” oyununda aydınlıq gəlməliydi. "Xəzər Lənkəran” doğma divarlar arasında "Qarabağ”ı qəbul etdi və çoxlarının gözləmədiyi böyük hesabla da qalib gəldi. Deməli bu qələbə ilə "Xəzər Lənkəran” həm gümüş medallara sahib oldu həm də avroliqaya sonuncu vəsiqəni özü üçün təmin etdi. Komandamıza və digər avropya vəsiqə qazanan komandalara bəri başdan müvəfəqqiyyətlər arzulayırıq.

Son illər alışdığımız kimi avrokuboklarda inamla bir neçə mərhələ keçən "Qarabağ” klubu bəs niyə avroliqadan kənarda qaldı ? Bəzi araşdırmalar müəyyən fikirlərə gəlməyə əsas verir. Beləki, son turlarda avropa şansını "zora soxan” Ağdam təmsilçisi bu məqamda niyə öz kapitanını "Neftçi”yə verməli idi?  Araşdırmaları bir az da dərinləşdirsək görərik ki, bu il ölkədə futbol ilinin elan olunması müəyyən mənada hansısa uğurların ortaya qoyulmasına rəvac verməlidir. Bunun üçün isə ən yaxşı variant ölkə futbolunun ən köklü klubu olan "Neftçi”nin avropa uğurları ola bilər. Keçən ilki çempionluqdan sonra ilk oyundaca Zaqreb "Dinamo”suna biabırçı hesabla məğlub olaraq turnirdən kənarlaşan "Neftçi” təbii ki, bu futbol ilində eyni aqibəti yaşamaq istəmir. Vəziyyətdən çıxış yolu kimi bayaq da göstərildi ki, son illər Qurban Qurabnovun başçılığı altında "Qarabağ” klubu avropa uğurlarına imza ata bilir. Deməli burada sözün əsl mənasında "Qarabağ”ın böyük ölçüdə "Neftçi”yə transferi və həmin uğurların bu il "Neftçi”nin adı ilə bağlı olması ən ağıla batan bir variant ola bilər. Ramin Musayevin Qurban Qurbanova day-daylıq etməsi fonunda Julius Vobayın adının "Neftçi” ilə yanaşı hallanması və Uinston Parksın da "Neftçi” yolunda olması və PFL prezidentinin bir müddət əvvəl Parks-Vobay tandemini bəyəndiyini dilə gətirməsi  əslində düşünmək üçün mövzudur. Çox güman ki, futbol baş bilənlərimiz də  uğurun bu modeli üzərində az baş sındırmayıbıar. Belə çıxır ki, bu mövsüm "avropa fatehi” olan  "Qarabağ”  bu adı ələ keçirmək istəyən  "Neftçi”yə qurban verildi.  Artıq "Qarabağ”ın kapitanının "Neftçi”yə keçidinin rəsmiləşməsi bu mülahizənin reallığından xəbər verir. Təsəvvür edək ki, avropa turnirlərinin "dilini” bilən Qurban Qurbanov başda olmaqla bu turnirdə ”bişən” bir neçə futbolçu ilə "Neftçi”yə transfer olunarsa artıq bir neçə mərhələ keçməyi göz önünə gətirmək olar. Təbii ki, bu rəqiblərin kimliyindən də böyük ölçüdə asılıdır. Təkcə "Qarabağ”dan deyil, ölkənin digər klublarında forma geyinən bir sıra yığma üzvlərinin də "Ağ-qara” rənglə  avropaya gedişi bu il avropada "Ağ-qara” müvəfəqiyyəti təmin edə bilər.

Belə olacağı təqdirdə ölkənin hər hansı klubunun avropa uğuru sevindirici ola bilər və bu sevindirici olayların baş verməsinə isə qarşıdakı günlərdə yəqin ki, şahidlik edəcəyik. Uğurlar Azərbaycan futbolu.

P.S. Evrovizion adı altında bütün avropa Azərbaycana gəlirsə onda ölkə futbolunun ən köklü klubu niyə də bəs avropaya getməsin ?..

P.P.S. Bu yazıdakı mülahizələr "12-ci oyunçu” azarkeş qrupu və "Bosman” fan klubunun ekspertlərinin ortaya çıxartdığı nəticələrdir.