 
Dünya çempionatı ilk dəfə olaraq Cənubi
amerika və ya Avropada deyil, Şimali Amerikada keçirildi. Çempionat ABŞ-ın 9
böyük şəhərini əhatə edirdi. Turnirin gedişatı çox maraqlı olsa da final oyunu
istənilən səviyyədə keçmədi və qalibi ancaq oyun sonrası penaltilərlə müəyyənləşdirmək
mümkün oldu. Turnirin keçirilməsi qaydaları əvvəlki iki çempionatda olduğu kimi
qalsa da, qrup turnirində qələbəyə görə 3 xal verilirdi. Püşkatma nəticəsində
formalaşdırılan 6 qrupun tərkibi aşağıdakı kimi idi: A qrupu: Rumıniya, İsveçrə, ABŞ,
Kolumbiya B qrupu: Braziliya, İsveç, Rusiya,
Kamerun C qrupu: Almaniya, İspaniya, Cənubi
Koreya, Boliviya D qrupu: Nigeriya, Bolqarıstan,
Argentina, Yunanıstan E qrupu: Meksika, İtaliya, Norveç,
İrlandiya F qrupu: Hollandiya, Mərakeş, Belçika,
Səudiyyə Ərəbistanı Bütün qruplarda maraqlı mübarizədən sonra
qalib komandalar məlum oldu. Bundan sonra həm 1/8, həm də ¼ final oyunları da
maraqlı keçdi. Yarımfinalda İtaliya komandası bolqarların qapısından birinci hissədə
2 qol keçirdi. (Roberto Bacco, 20 və 25-ci dəqiqələr). Bolqarıstan komandasının
gücü ancaq fərqi azaltmağa kifayət etdi. Stoiçkov 42-ci dəqiqədə təyin olunmuş
penaltidən fərqləndi. Digər yarımfinal oyununda braziliyalılar
İsveç komandasının müqavimətini 80-ci dəqiqədə qıra bildilər (Romario). Üçüncü yer uğrunda oyunda yarımfinalda
uduzmuş komandalar – İsveç və Bolqarıstan üz-üzə gəldilər. Bolqarlar bu turnirdə
çox qüvvə sərf etmişdilər. Elə bu səbəbdən onlar skandinaviyalılara layiqli
müqavimət göstərə bilmədilər və 0-4 hesabı ilə məğlub oldular. Final oyunun əsas və əlavə vaxtında hesab
açılmadı. Dünya çempionatları tarixində ilk dəfə olaraq çempionu oyun sonrası
penaltilər müəyyən etdi. Burada İtaliya komandasının ulduzlarının uğursuz zərbələri
oyunun taleyini həll etdi. Barezi və bütün çempionat boyu gözəl oyun nümayiş
etdirən Roberto Bacco, topu qapı çərçivəsindən kənara vurdular. Massaronun zərbəsini
isə qapıçı Taffarel tuta bildi. Braziliyalı Romario, Branko və Dunqanın zərbələri
dəqiq oldu. 3-2. Braziliya komandası 4-cü dəfə dünya çempionu
adını qazandı. *********************** Daha sxematik olaraq bax *********************** Video
izlə
| 
