Bildiyiniz kimi hazırda "12cioyuncu.info” saytı maliyyə xərclərini vaxtında ödəyə bilmədiyindən bağlıdır. Bu səbəbdən "Bosman” fan klubu bizə "bosman.at.ua” saytından istifadə edərək informasiya yaymağa şərait yaradıb ki, buna görə də "Bosman” fan klubunun rəhbərliyinə təşəkkür edirik.

 "12cioyuncu.info” saytının bağlanması səbəbindən ən çox narahat olanlar da  təbii ki, "Xəzər Lənkəran” azarkeşləridir. Hazırda saytımızın yenidən bərpa olunması üçün çalışırıq bu yöndə tərəfimizdən hərtərəfli iş aparılır. Daha dəqiq bizimlə əlaqə saxlayan azarkeşlərə saytın bağlanma səbəbləri bütün incəliklərinə qədər anladılır və təkliflər müzakirə olunur. Beləki, dünən və bu gün bizimlə əlaqə saxlayan minlərlə azarkeş saytın bağlanma səbəbləri ilə maraqlanır bəziləri isə hətta müəyyən təkliflər də edirlər. Dünən Bakıda yaşayan azarkeşlərimizdən də saytımıza maliyyə dəstəyi  veriləcəyi xəbərini almışıq. Bu məsələ ilə  gün ərzində məşğul olmaq fikrimiz var. Eyni zamanda məlumat əldə etmişik ki, Moskvada yaşayan "Xəzər Lənkəran” azarkeşləri bu gün bir araya gələrək saytımıza dəstək olmanın yollarını arayacaqlar. Hələki başqa konkret təkliflərin olmadığını da bildirək. Sonda onu da əlavə edək ki, saytın bağılanmasına ilk olaraq reaksiya verən və maddi yardımını təklif edən əzəli rəqibimizin "UltraNeftçi” fan klubunun rəsmi təklifindən imtina edərək göstərdikləri  diqqətə görə onlara təşəkkür etmişik. Yaxın saatlarda da "12cioyuncu.info” saytının yenidən bərpa olunması yönümündə aparılan işlər haqda  məlumat verməyə çalışacağıq.

Xüsusi olaraq "bosman.at.ua”  üçün "12cioyuncu.info”dan.