 
12-ci
çempionat yeni sistem üzrə keçirilmişdir: final mərhələsində həmişəki kimi 16
deyil, 24 komanda iştirak edirdi. Ispaniya yarışların təşkilatçısı və Argentina
dünya çempionu final turnirinə birbaşa dəvət olunmuşdular. Qalan 22 vəsiqə seçmə
oyunlarda əldə edildi. Avropadan 13 komanda, Cənubi Amerikadan 3 komanda,
Şimali və Mərkəzi Amerika və Karib dənizi ölkələrindən 2 komanda, Afrikadan 2
komanda, Asiya və Okeaniya ölkələrindən isə 2 komanda qruplarda fərqlənərək İspaniyada
çıxış etmək hüququ qazandılar. 24 finalçı püşk yolu ilə aşağıdakı 6
qrupa bölünmüşdü: 1-ci qrup:
İtaliya, Polşa, Peru, Kamerun 2-ci qrup:
AFR, Əlcəzair, Çili, Avstriya 3-cü qrup:
Argentina, Belçika, Macarıstan, Salvador 4-cü qrup:
İngiltərə, Fransa, Çexoslovakiya, Küveyt 5-ci qrup: İspaniya, Honduras,
Yuqoslaviya, Şimali İrlandiya 6-cı qrup:
Braziliya, SSRİ, Şotlandiya, Yeni Zelandiya Hər qrupda birinci və ikinci yerləri
tutan komandalar çempion adı uğrunda mübarizəni davam etdirmək hüququ
qazanırdı. Seçmə oyunlarında birlikdə çıxış
etmiş AFR və Avstriya komandaları ikinci qrupda birbirinin köməyinə gəldi.
Futbol dünyası üçün heç vaxt arzu olunmayan, azarkeşləri məmnun etməyən bir hal
baş verdi. Əlcəzair komandası yaxşı oyun nümayiş etdirərək keçmiş çempionlara – AFR futbolçularına 2-1 hesabı
ilə qalib gəldi. Bundan sonra avstriyalılar həm Çili komandasını 1-0, həm də əlcəzairliləri
2-0 məğlubiyyətə uğradaraq ikinci mərhələyə vəsiqə qazandılar. Əlcəzair
futbolçuları isə Çili idmançıları üzərində qələbədən (3-2) sonra liderə
çatdılar (hərəsi 4 xal). Indi hər şey Avstriya və AFR komandaları arasındakı
son oyundan asılı idi. Bü görüşdə əslində mübarizə olmadı: AFR futbolçuları
onlara lazim olan 1 topu vurduqdan sonra komandalar meydançada vaxt keçirirdilər.
Beləliklə Əlcəzair komandası süni şəkildə turnirdən kənarda qaldı. AFR və
Avstriya isə qrupun qalibi oldular. Digər qruplarda da maraqlı mübarizə sonrası
növbəti mərhələyə çıxan komandalar bəlli oldu. Çempionatın ikinci mərhələsi üçün
atılan püşk qüsurlu idi. Belə ki, bəzi qrupların tərkibi çox güclü, bəzilərininki
isə zəif idi. A qrupu:
Polşa, SSRİ, Belçika B qrupu:
AFR, İspaniya, İngiltərə C qrupu:
İtaliya, Braziliya, Argentina D qrupu:
Avsrtiya, Şimali İrlandiya, Fransa Yarımfinala yalnız qrupun qalibi
çıxırdı. C qrupunda bu baxımdan çempionatın 2 güclü komandası mübarızəni
dayandırmalı idi. Yarımfinala çıxan komandaların
hamısı Avropanı təmsil edirdi. Italiya və Polşa, AFR və Fransa komandaları
qarşılaşdılar, birinci oyun qaliblər üçün ciddi problemlər yaratmadı: dünya
çempionatının ən "parlaq ulduz”u olan italiyalı Rossi polyakların qapısına hər
hissədə 1 top (22-ci və 74-cü dəqiqələr) vuraraq öz komandasının finala
çıxmasını təmin etdi. AFR və Fransa komandalarının oyunu
isə son dərəcə gərgin keçdi. Bu dramatik oyunda hesab 18-ci dəqiqədə açıldı.
Fransa komandası ruhdan düşmədi, üstünlüyü tamamilə ələ keçirdi. 10 dəqiqə
sonra hesab bərabərləşdi. AFR komandasının müdafiəçisi cərimə meydançasında
Roştonu tutub saxladı və təyin olunmuş 11 metrlik zərbəni Platini dəqiq yerinə
yetirdi. əlavə vaxt təyin olundu, oyun yenidən başlanan kimi 92-ci dəqiqədə
Trezor Fransa komandasına müvəffəqiyyət qazandırdı. 6 dəqiqə sonra Jiresin
vurduğu top dirəyə toxunub qapıdan keçdi. AFR komandası bu hesabla razılaşmadı.
Zədəli olduğuna görə əvvəlki oyunları tam qüvvə ilə keçirə bilməyən Rummeniggenin
meydana çıxması ciddi dönüş yaratdı. O müdafiəçilərdən yuxarı tullanaraq topu
başı ilə Ettonun qapısından keçirdi (102-ci dəqiqə). 7 dəqiqə sonra isə Fişer
başı üzərindən gözəl zərbə ilə hesabı bərabərləşdirdi (3-3). 11 metrlik zərbələr
seriyasında 1-ci beş zərbədən 4-ü qapıdan keçdi. Zərbələr ilk səhvə qədər davam
etdirilməli idi. Fransız Bossinin vurduğu topu Şumaxer qaytardı. Növbə AFR
komandasının üzvü Xrubeşə çatdı. Bu futbolçu dəqiq zərbə vurdu. AFR
futbolçuları 8-7 (əsas vaxtda 1-1; əlavə vaxtda 2-2; 11 metrlik zərbələrdə 5-4)
hesabı ilə qalib gəlib finala çıxdılar. Fransa və Polşa futbolçuları 3-cü yer
uğrunda oyun keçirdilər. Fransızlar oyuna hücum üslubunda başladılar və hesabı
açdilar. Fransa komandası çempionat ərzində xeyli yorulmuşdu və bu oyuna bir
neçə əsas oyunçusu olmadan çıxmışdı. Bu, oyunda özünü biruzə verdi. Fasilə ərəfəsində
polşalılar cavab topu vurdular (Şarmax). 45-ci dəqiqədə isə Mayevski fərqləndi.
Ikinci hissənin lap əvvəlində Kuptseviçin zərbəsindən sonra hesab 3-1-ə çatdı.
Fransa komandası toplardan birinin əvəzini çıxa bildi (3-2). Fransa komandası çempionatda gözəl oyunu ilə yadda qaldı.
Onları "Avropali braziliyalılar” da adlandırırdılar. Final oyunu Madriddə, "Santyaqo
Bernabeu” stadionunda keçirildi. Italyanlar 24 cü dəqiqədə fərqləndilər. Konti
qapıçı ilə təkbətək çıxarkən Brigel onu kobudluqla saxladı. Təyin olunmuş 11
metrlik zərbəni Kabrini qapının yanından vurdu. Birinci hissə (0-0) hesabı ilə
bitti. Ikinci hissədə Rossi 57-ci dəqiqədə fərqləndi. Italyanlar 70-ci dəqiqədə
hesabı artirdılar. Tardelli gözəl ötürmədən ustalıqla istifadə etdi. 81-ci dəqiqədə
Konti topla təxminən 40 metr hərəkət etdikdən sonra topu Altobelliyə ötürdü.
Altobelli bu gözəl ötürməni ustalıqla qola çevirdi (3-0). AFR futbolçuları
83-cü dəqiqədə fərqi azaltmağa nail oldular. Italyanlar
3-cü dəfə dünya çempionu adını qazandılar. *************************** Daha sxematik olaraq bax ******************************* Videonu izlə
| 
