Elvar Guliyev  09. 04. 2011

            Salam, çox hörmətli Mirhafiz müəllim və "Bosman” fanklubunun üzvləri! İndicə Mirça ilə sizinlə görüşün təəssüratlarını soruşdum. O, doğum günündə ona belə diqqət göstərildiyi üçün "Bosman” fanklubuna və bütün "Xəzər Lənkəran” azarkeşlərinə təşəkkürünü bildirdi. Dediklərini olduğu kimi yazıram: "Səhər açılandan həm Rumıniyadan, həm də komandamın azarkeşlərindən saysız təbriklər alıram. Doğrudan da, belə bir gündə həm azarkeşlərin, həm də klub rəhbərliyinin göstərdiyi diqqət məni çox sevindirir və işləmək üçün əlavə güc, stimul verir. "Xəzər Lənkəran” azarkeşlərinin bu münasibəti, personama olan hörmət və sevgisi məni çox kövrəldir. "Bosman” fanklubunun üzvlərinin hədiyyəsi və məşqə gəlib məni təbrik etmələri ümumiyyətlə, çox xoş sürpriz oldu. Belə azarkeşlərlə ölümə də getmək olar. Həmin fanklubun rəhbərinə minnətdarlığımı bildirirəm!!

 Sizləri sevindirmək üçün çempionluq və kubok uğrunda sona qədər mübarizə aparacağımıza söz verirəm. Hər zaman arxamızda olan, bizi yalnız qoymayan azarkeşlərimizə təşəkkürlər və Hamımıza uğurlar!!!!"

Bu sözləri, 09. 04. 2011-ci ildə sevimli Mirça Rednik, "Xəzər Lənkəran” azarkeşləri adından onun ad gününü təbrik etmək üçün Suraxanı qəsəbə stadionuna həm də məşqi izləməyə gəlmiş, "Bosman” fanklubunun üzvlərinə demişdi. Bəli, 49-cu doğum ilini qeyd edən Mirça Rednik bizimlə idi.

50-yaş yubileyini də sədaqətli azarkeş Vaqif Rəşidovun min bir çətinliyə fədakarcasına sinə gərən və bu yubileyə turnir həsr edərək, təşkil etməsinin sayəsində bizimlə oldu.

Bu gün də 51-ci doğum gününü qeyd edən əziz Mirça Rednik bizimlədir. O, əsl insani keyfiyytlərin sahibi kimi, bir təcrübəli və professional mütəxəssis kimi həmişə bizimlə olacaq. Çünki əsl "Xəzər Lənkəran” azarkeşi təmiz və mərd insanları unutmur. Necə ki, "12-ci oyunçu” və "Bosman”la birlikdə neçə-neçə insan onun müdafiəsinə qaxdı.

Rednik getdi… Lakin onunla haqsızlıq edənləri, ən azı  bugünki, mövqeyinə yüksələn yolda tapdalayaraq getdi…

Mirça Rednik getdiyi müddətdə bayramlarda, ad günlərində bizi unutmayıb təbrik etdiyi kimi, biz də onu bu əziz günündə unutmuruq, ona can sağlığı, personasında daha irəli getməklə müvəffəqiyyət arzu edirik!

"Bosman” fanklubu