”Xəzər Lənkəran” Avstriyada hazırlıqlarını davam etdiriir.

            Bir gün əvvəl Kosovanın "Trepça" adlı komandası ilə qarşılaşmalı olan komandamızın bu yoldaşlıq görüşü müəyyən səbəblərdən alınmamışdı ki, bunun da haqqında əvvəlki yazılarımızda ətraflı məlumat vermişdik. Lakin buna baxmayaraq düşərgəyə gələn yeni futbolçuları yoxlamaq baxımından belə yoldaşlıq görüşlərinin əhəmiyyətli olduğunu nəzərə alan baş məşqçimiz Mirça Rednik Avstriyanın həvəskarlar liqasının komandası olsa belə, belə bir oyunun keçirilməsinə nail ola bilib. Belə ki, Avstriyanın Fulpmes şəhərində təlim-məşq toplanışında olan "Xəzər Lənkəran" bu şəhərin eyniadlı təmsilçisi olan və Avstriyanın aşağı dəstəsində mübarizə aparan "Fulpmes" komandasını sınağa çəkib.

            Gözlənildiyi kimi, matç boyu rəqibindən üstün olan komandamız yerli komandanı demək olar ki, topsuz qoymaqla darmadağına imza atıb. Rahid Əmirquliyev və komandamızın heyətində baxışda olan Borbeli Çaba het-trikə imza atdığı halda, yeni transferlərimiz Tosin Dosunmu və Marius Onofraş hərəyə bir dəfə fərqləniblər. Digər qolları isə Alim Qurbanov (dubl), Elnur Abdullayev və baxışda olan Hidişan rəqib qapısından keçirməklə 12:0 hesablı sonluğa imza atıblar.

            Bundan başqa Avstriyada təlim məşq toplanışını davam etdirən komandamız gündə iki dəfə olmaqla hazırlığını da davam etdirir.