22 Fevral "Xəzər Lənkəran” camiəsi və Azərbaycan futbolu üçün yaddaqalan bir tarixdir. Məhz bu tarixdə ölkənin adlı-sanlı bir futbol klubu olan "Xəzər Lənkəran”ın ilk müsəqil fanat qrupu yarandı. Bu nəinki cənubda eləcə də Azərbaycanda ilk müstəqil fanat klubu oldu ki, bud a "Xəzər Lənkəran”ın ətrafında yarandı. Bir il sonra isə bu yenilikçilər daha bir yeniliyə imza atdılar. Yəni həmin azarkeş klubunun müstəqil fəaliyyət göstərən saytı işə başladı. Onsuzda rəngarəng və gərgin işləri ilə ölkəyə səs salmaqda olan "12-ci Oyunçu” fanat qurumu sayt fəaliyyətə başlayandan sonra daha böyük bir dairə cıza bildi. Fəaliyyətində azadfikirliliyi, obyektivliyi, operativliyi və bir çox müsbət keyfiyyətləri cəmləyən bu fanat qurumu "Xəzər Lənkəran” yolunda olmazın əziyyətlər, məşəqqətlər və müxtəlif sarsıntılar keçirdi. Lakin yolundan dönmədi. O, bu gün də fəaliyyət göstərir. Əzəli prinsiplərinə sadiq və zamanın bəxş etdiyi daha böyük təcrübəyə söykənərək. O, sınmadı, yolundan dönmədi, bu gün də yaşayır və illər ötdükcə də yaşayacaq. Çünki dərdin bolu, mərdin yoludur.

            Biz "Bosman” fanklubu olaraq, qardaş "12-ci Oyunçu” azarkeş qrupunu ürəkdən təbrik edir, cansağlığı və bundan sonra da müvəffəqiyyətlər arzu edirik. O gün olsun 12 yaşınızı və daha sonrakı nəsillər 120 yaşınızı qeyd etsinlər. Bu həm də "Xəzər Lənkəran” klubunun uzunömürlük arzusudur. Sevdiyimiz klubun isə bu hesabat turunda çox lazımlı olan bir səfər qələbəsi, hamımızı ürəkdən sevidirəcəyinə və bununla da o cümlədən sizing yubileyinizə ən böyük hədiyyə verəcəyinə inanırıq, ey 5 yaşlı "12”.

Böyük hörmətlə: "Bosman” fanklubu