"Xəzər Lənkəran” klubu hücumçusu Dieqo Ruislə vidalaşdı. Tərəflər qarşılıqlı surətdə müqaviləni pozmaq qərarına gəliblər. Klubumuzun vitse-prezidenti Tuyqun Nadirov bildirdi ki, argentinalı futbolçu ona olan ümidləri doğrulda bilməyib: "Xəzər Lənkəran”da olan dövrdə Ruiz yaxşı oyun göstərə bilməyib. Buna görə məşqçimiz onu əvəzedici heyətə göndərdi, ancaq Ruis bundan imtina etdi. Onda biz düşündük ki, yaranmış vəziyyətdən ən yaxşı çıxış yolu müqaviləni qarşılıqlı pozmaqdır”. Tuyqun Nadirov bildirdi ki, nə Ruisin "Xəzər Lənkəran”a, nə də klubun bu futbolçuya qarşı iradı var. Vitse-prezident argentinalı futbolçuya uğurlar arzuladı: "Ola bilsin hansısa ayrı klubda o daha yaxşı oynasın, ancaq bizdə o forvardın üzərinə düşən vəzifəni yerinə yetirməyə qadir deyildi. İstənilən halda biz ona uğurlar arzu edirik”.