Komandamızın futbolçusu Julius Uobay əsas heyətə qaytarılıb. Bildiyiniz kimi o,  hazırki mövsümün əvvəlində əvəzedici heyətə göndərilmişdi. Afrikalı yarımmüdafiəçi artıq baş məşqçimiz Mirça Rednikin rəhbərliyi altında əsas komandada məşqlərə başlayıb. Səkkizinci turda səfərdə "İnter”lə keçiriləcək oyunda biz komandanın heyətində Julius Uobayı görə bilərik. Belə ki, o bu müddət ərzində boş dayanmayaraq "Xəzər lənkəran”ın əvəzedici heyətinin oyunlarında iştirak edib. Hətta o bu müddətdə əvəzedicilərin heyətində üç qola da imza atıb. Fiziki formada olan Julius Uobay bu üzdən istənilən anda oynamağa hazırdır. Komandamızın baş məşqçisi Mirça Rednik də bu məsələyə toxunarkən bunları deyib: "Ümidvaram ki, Vobay əvvəlki səhvlərindən nəticə çıxarıb. Yarımmüdafiəçinin bundan sonra işinə daha məsuliyyətlə yanaşacağına və azarkeşlərin əvvəlki Vobayı görəcəyinə ümid edirəm”.

Biz də ümid edirik ki, böyük ümidlərlə komandamıza gətirilən və əksər hallarda bu ümidi doğruldan Syerra-Leoneli futbolçumuz, bundan sonra da göstərdiyi gözəl oyun və vurduğu qollarla azarkeşləri sevindirəcək.