Azərbaycan çempionatının son 32-ci turu
yaxınlaşdıqca və yaranmış şansı dərk edən "Xəzər Lənkəran” azarkeşləri
komandalarını çempion olaraq görmək üçün demək olar hər şeyə hazırdırlar.
Bütün fanklublar özlərinə məxsus şəkildə bu
oyuna hazırlaşır və komandalarının çempion olmasını səbirsizliklə gözləyirlər. Fanklublara
daxil olmayan fəal azarkeşlər də bir yandan müxtəlif tədbirlər planı hazırlayırlar
ki, buna da əsasən "Xəzər Lənkəran”ın "12ci Oyunçu” Azarkeş klubu ilə məsləhətləşmələr
əsasında həyata keçirirlər və təbiidir ki, "12ci Oyunçu” Azarkeş klubu da bu
fəal azarkeşlərin planlarını müəyyən məcraya salıb, daha effektli şəkildə
həyata keçirilməsinə yardımçı olur.
Biz "Bosman” fanklubu olaraq bu oyunla bağlı
xüsusı tədbirlər hazırlamışıq ki, bu tədbirlərin bəziləri Azərbaycanda ilk dəfə
həyata keçiriləcək. Öz tərəfimizdən fəal azarkeşlərə təşəkkür edir və lazım
gələcəyi təqdirdə onlara öz təcrübə və köməyimizdən yararlanmaqla yardımçı
olacağımızı təklif edirik.
Təki "Xəzər Lənkəran”ımızın çempionluğunu
birlikdə bayram edək.
"Bosman” fanklubunun idarə heyəti
|