Premyer Liqanın dekabrın 10-da,  XVI tur çərçivəsində Zaqatalada keçirilən "Simurq"-"Xəzər Lənkəran" matçı arxada qalsa da oyunun necə gərgin və dramatik keçdiyinin hamı şahidi oldu. Belə ki, 2:0 öndə olan və Ruslan Abışovun qırmızı vərəqə alaraq komandamızı bir nəfər azlıqda qoymasına baxmayaraq, "Xəzər Lənkəran” xarakter nümayiş etdirərək, sonacan vuruşmağın nə demək olduğunu sübut edə bildi. Oyunun sonlarına yaxın hesab arasındakı fərqi minimum endirən komandamız artırılan 4 dəqiqənin ən son dəqiqəsində bərabərliyə nail ola bildi, 2:2. Bu hesab həm də oyunun gedişinə görə, əsl ədalətli hesab idi ki, matçı izləyənlərin demək olar hamısı bu fikri təsdiqləyirdi. Futbol dilində desək, dostluq qalib gəldi və hər komanda aktivinə bir xal yazdıra bildi.

Dostluq demişkən, bu oyunda bu nümunə azarkeşlər arasında da həm oyundan öncə, həm oyun zamanı və matç bitdikdən sonar da  hökm sürdü. Belə ki, "Simurq” azarkeşləri oyundan qabaq "Xəzər Lənkəran” azarkeşlərini bizə zəng edərək dekabrın 10-da Zaqatalaya dəvət etmişdilər. Oyun zamanı da bir-birinin ünvanına xoş sözlər səsləndirən fanatlar, matç bitdikdən sonar da bir araya gəlib, şarflarını və bayraqlarını dəyişdirərək fotoşəkil də çəkdirməyi unutmadılar. Bu barədə bizə sadiq "Simurq” azarkeşlərindən olan Maqsud Xəlil müfəssəl məlumat Verdi və həmin fotoşəkli təqdim etdi.

Bununla bir dostluq nümunəsi göstərən hər iki fanat qurumuna təşəkkür edib, dünyada dostluq qalib gələcək, deyirik. Bu dostluğun uzunömürlü olmasını arzulayırıq. Biz daim buna çalışacağıq deyirik. Halal olsun!