Artıq "Netçi” ilə "Xəzər Lənkəran” arasında keçiriləcək futbol üzrə Azəbaycan kubokunun final oyununa belə demək mümkünsə, saatlar qalır. Bu final oyunu 28 maya yəni Azərbaycanın istiqlal gününə təsadüf edir. İdman ictimaiyyəti və azarkeşlər üçün bu ikiqat bayramdır. Həm bu səbəbdən və "Bosman” fanklubunun prinsiplərinə uyğun olaraq, bu məqsədlə oyuna hazırlıq kimi mayın 21-də fanklubumuzda toplantı keçirilmiş və qərara alınmışdı ki, bu bayramın böyüklüyü şərəfinə azarkeşlər arasında heç bir qarşılıqlı söz atışması, hörmətsizlik olmasın. Toplantıda konkret hərəkət xətti müəyyən olunsa da "Neftçi” azarkeşləri ilə görüşdən sonra hər iki tərəfin təklifləri əsasında ortaq nəticəyə gəlməyi düşündük.

         Bilirsiniz ki, hər iki düşərgədə bu oyuna hazırlıqla bağlı qızğın iş gedir. Odur ki, 26 may tarixinə planlaşdırdığımız görüş "Neftçi” tətəfində vaxt azlığından baş tutmadı. Lakin görüşün baş tutmaması heç də bu əvvəlcədən razılaşdırılmış prinsiplərin baş tutmaması demək deyil. Belə ki, fanklubumuzun rəhbərliyi, "Flaqman” fanklubunun rəhbərliyi ilə telefon əlaqəsi vasitəsilə əvvəlki, hörmətlə davranma razılaşmasında həmfikir olduqlarını bir daha bəyan etmişlər. Həm də o da razılaşdırılmışdır ki, matç başlamazdan əvvəl və fasilə və ya  fasilələr zamanı hər iki tərəfdən vətən naminə Azərbaycan!, Azərbaycan! şüarları eyni vaxtda səsləndirilsin. Oyunun start fitindən sonra isə hər iki tərəf qarşı tərəfə atmacalar olmamaq şərti ilə komandalarını bacardığı şəkildə çılğıncasına dəstəkləsinlər.

         Bu futboldur, meydanda əsl layiqli mübarizə getsin və ədalət kimə haqq verərsə, o da qalib olsun!

"Bosman” fanklubu  26 May 2013