Avstriyada təlim-məşq toplanışında olan "Xəzər Lənkəran” bu gün ikinci yoxlama oyununa çıxacaq. Bugünki rəqibimiz Kosovanı təmsil edən "Trepça” klubu olacaq. 1932-ci ildə əvvəlki Yuqoslaviyada təsis olunan "Trepça” klubu haqda sizlərə məlumat verməyi özümüzə borc bilirik.

Kosovanın Mitroviç şəhərini təmsil edən "Trepça” klubu bir dəfə Kosova çempionu olub, bir dəfə Kosova kubokunu (Kubok e Kosovës) qazanıb və bir dəfə də Kosova Superkubokunu (Superkupa e Kosoves) başı üzərinə qaldırıb.

Onlar əvvəllər Yuqoslaviya güclülər dəstəsində çıxış ediblər. Lakin indi isə ölkədə siyasi bölünmə nəticəsində yaranmış Kosova respublikasını təmsil edirlər. "Trepça” tarixinin ən uğurlu dövrünü 1976-77 mövsümündə keçirib. " Trepça” Yuqoslaviya "Prva Liga”da çıxış edərkən, finalda NK "Rijeka”ya 0:1hesabı ilə qalib gələrək, 1977-78 mövsümündə son Yuqoslaviya kubokunun qalibi olmuşdur. 

Bundan sonra yenə, 1987-88 mövsümündə Yuqoslaviyanın süqutundan sonra hələ Kosova milli çempionatı formalaşmamışdan, "Trepça” klubu regional səviyyədə olan yalnız Kosova komandaları ilə oynamışdır. Bu dövrdə klubun bir dəfə liqa və kubok qazandığına baxmayaraq,  o vaxt hələ milli Kosova çempionatı təşkil olunmamışdı. Bu, 1994-95 mövsümləri sonrası "Trepça” Kosova ikinci liqasında mübarizə aparan dövrlərə qədər davam edib. Onlar hətda bir mövsüm üçüncü liqada da çıxış edib. Bu klubun tarixində 2002-03 mövsümündə fk "Kek” klubuna 0:10-luq acı məğlubiyyət, ən pis hal olub.

Daha sonra onlar 12-16 komandası olan bir çempionat təşkil etdilər və Kosova Super Liqasının təşkilindən sonra 2006-07 mövsümündə "Trepça” futbol klubu da yüksək liqaya qayıtmış oldu. Bu klub 1932-ci il o vaxtkı Yuqoslaviyada təsis olunub və bugünə qədər fəaliyyətini davam etdirir.

Hələ oyunun başlama saatı məlum olmasa da bu komandamızın builki hazırlıq çərçivəsində keçirəcəyi ikinci yoxlama oyunu olacaq. Xatırladırıq ki, ötən şənbə günü "Xəzər Lənkəran” ilk yoxlama oyununu Almaniyanın "Dinamo” Drezden klubuna qarşı keçirmişdi və bu oyunda hesab açılmamışdı-0:0. Həmçinin bugünki yoxlama oyununda komandamızda daha üç futbolçu baxışdan keçəcək. Bunlardan ikisi Rumın, biri isə nigeriyadan olan legionerlər olacaq. Hər üç futbolçunun nə adları və nə də oynayacaqları mövqelər açıqlanmır.