"Mən Avstriyadan da dəvət almışdım”. Bunu, "Xəzər Lənkəran”ın düşərgəsində baxışda olan almaniyalı futbolçu Jerom Polenz deyib.

            Cənub təmsilçisində baxışdan uğurla keçən Polenz bildirib ki, Qratsın "Şturm” klubu ona təklif göndərib: "Hətta bu komandanın düşərgəsinə yollanmaq üçün bilet də alınmışdı. Amma fikrimi dəyişdim. Bu komandada hər şey yüksək səviyyədədir. Eşitdiyimə görə, "Xəzər Lənkəran”ın ev oyunlarında 15 minədək azarkeş olur. Bu amil də seçimimə təsir etdi”.

            Xatırladaq ki, Berlində anadan olan Jerom 2006-2007-ci illərdə Bremen "Verder”inin heyətində Bundesliqada 3 oyun keçirib. Sonra "Allemaniya”ya keçən Polenzi bu klubda, II Bundesliqada 57 matçda meydana çıxıb.

            24 yaşlı yarımmüdafiəçi Almaniyanın U-19 yığmasında 3, U-20-də 1 dəfə forma geyinib.