Çərşənbə Axşamı, 26/May/2020, 09:39
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Aprel 2011  »
BazarB.eÇ.aÇ.C.a.CŞə
     12
3456789
10111213141516
17181920212223
24252627282930

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2011 » Aprel » 5 » Duyduk-duymadık deməyin, “Xəzər Lənkəran”ın ......... yeməyin! (VIDEO)
12:31
Duyduk-duymadık deməyin, “Xəzər Lənkəran”ın ......... yeməyin! (VIDEO)


          

Düzü XXV tur çərçivəsində keçirilən, ”Bakı” və
"Xəzər Lənkəran” arasında baş tutan oyun bir sıra özəllikləri ilə yadda
qalmışdı. Əvvəla qonaq komanda olan "Xəzər Lənkəran” heç də özünü qonaq kimi
aparmadı. Matçın əvvəlindən təşəbbüsə yiyələnərək sanki öz meydanındaymış kimi
rəqibə demək olar oynamaq imkanı verməyərək xeyli üstün oyun sərgiləmiş oldu.
Bu xüsusən ikinci hissədə qabarıq şəkildə özünü göstərmiş oldu. Fikrimizcə
bunun da öz səbəbləri var. Çünki mövsümə uğursuz başlayan və uğursuzluqla davam
edən "Bakı” klubu baş məşqçi dəyişikliyinə qərar vermişdi. "Baki”nın yeni baş məşqçisi
A. Starkovun əlbəttə komandaya öz futbol biliyinə və futbol fəlsəfəsinə uyğun
yeni oyun tərzi gətirməsini, azacıq futbol biliyinə malik olan hər bir kəs dəyərləndirə
bilməmiş deyil. Bu ümumiyyətlə futbolda qəbul olunmuş bir anlayışdır. Yeni gələn
baş məşqçi eyni futbolçularla davam etsə belə oyun üslubu onun öz futbol fəlsəfəsinə
görə qurulur. Bunu hər bir kəs bilir və o cümlədən də komandamızın baş məşqçisi
Mirça Rednik də həmçinin.

            Ona
görə də "Bakı” klubunda baş məşqçi dəyişikliyindən sonra bu komanda ilə ilk
oyuna çıxmış olan Mirça Rednikli "Xəzər Lənkəran” ilk hissəni üstün oynasa belə
bu lazımi səviyyədə deyildi. Amma oğul ona deyərəm ki, bu az vaxtda, yəni cəmi
45 dəqiqə ərzində düzgün analiz və icələmələr apararaq, rəqibi düzgün ”oxudu” və
etdiyi taktiki dəyişikliklərlə ikinci hissədə bütün komponentlərdə onu üstələməyi
bacardı. Bəli bu xüsusi təcrübəyə və istedada malik olan komandamızın baş məşqçisi
dahi Mirça Rednikin bir daha necə bir dəyərli mütəxəssis olduğunu ortaya qoyan
bir faktdır.

            Lakin
Azərbaycan reallığında bu faktın özü hələ qələbə qazanmağın açarı deyildir.
Xüsusən dediyimiz kimi ikinci hissə başlayar-başlamaz rəqibi bir anda öz
qapısına sıxışdıran komandamız ard-arda təhlükəli vəziyyətlər yaradaraq qapı
ağzında "Bakı”ya çox sıxıntılı anlar yaşatdı. Qapıya doğru ardı-arası kəsilməyən
çoxgedişli kombinasiyaların nəticəsi olan zərbələr, qapıçı qurtarışları, dirəkdən
dönən top və nəhayət Emeka Oparanın gözəl qolu belə Azərbaycan reallığında qələbəmizi
təmin edə bilmədi.

            Nəyə
görə Azərbaycan reallığında deyirik. Çünki, turdan sonra bəzi
telekanallarımızda turun oyunlarının incələnməsi ilə əlaqədar olan futbol
verilişləri hazırlanır. Belə verilişlərdən biri də Rəşad Raiqoğlunun apardığı və
iki qonağı da olan "İdman Azərbaycan” telekanalındakı "Premyerliqa”
verilişidir. Bu verilişin qonaqları olan Gəray bəylə futbolumuzun tanınmış və
futbolçu karyerasını yenicə başa vurmuş Kamal Quliyev də bildikləri qədər oyunları
şərh edir və konkret epizodlara münasibət bildirirlər. Hər ikisinin o cümlədən
aparıcının futbol biliyinə şübhə etmirik desək yanılmarıq. Amma?..  Ammasının nədən ibarət olduğunu isə indi
aydınlaşdıraq. Belə ki, Gəray bəy müstəqil düşüncə sahibi olmadığını artıq dəfələrlə
"sübuta yetirmiş” bir mütəxəssisdir. Hələ meydanda hakimlərin verdiyi səhv və
ya qərəzli hər hansı qərara bu adamın indiyəcən obyektiv münasibətinin şahidi
oldum deyən tapılmır. Çünki həmişə onun epizoda verdiyi şərh hakim qərarını müdafiə
etməklə eynilik təşkil edir. Aparıcı Rəşad Rafiqoğlu isə həmişəkindən fərqli
olaraq məsələlərin obyektiv açılmasına yönəlik istiqamətvericiliyi ilə son
verilişdə rəğbətəlayiq münasibəti ilə seçildi desək daha düz olar. Qaldı ki,
ikinci qonaq olan Kamal Quliyevin münasibətinə, Kamal bəy həmişə həm bu həm də
başqa verilişlərdə çıxış edərkən daha çox etika gözləməklə fikirlərini
bildirir. Şəxsən özü də tanınmış futbolçu olmuş Kamal bəy həmişə fikir bildirərkən
kimi isə kəskin tənqid etməklə yox, fikrini yumşaq bildirməklə kifayətlənən bir
şəxsdir. Bunu çox yaxşı keyfiyyət hesab etsək də bəzən fikri kəskin bildirmək də
haqdandır.

            Konkret
olaraq verilişdə XXV tur çərçivəsində "Bakı” və "Xəzər Lənkəran” oyununda Emeka
Oparanın vurduğu qola münasibətdən söhbət gedir. Burada Emeka Oparanın başla
vurduğu qolun təmiz qol olduğunu hamı gördü. Çünki epizodu dəyərləndirərkən sol
mərkəz xətti yaxınlığından ötürmə alan Uinston Parks sol ayağı ilə ustaca
qapıya vurduğu yerlə zərbəni rəqib qapıçı Marko Şarlia tutmaq istərkən, əli ilə
topu saxlaya bilməyincə, top üzüyuxarı diyirlənərək hərəkət edib qapıçının sinəsini
də adlayaraq xeyli yuxarı havalanmış oldu. Bu topu cərimə meydançasından başla
uzaqlaşdırmağa çalışan "Bakı”nın müdafiəçisi üzü qapıya dayanaraq gözləməkdəykən,
fiziki göstəriciləriylə özünü sübut etmiş Emeka Opara fantastik tullanışla
xeyli hündürə tullanaraq "Bakı”nın müdafiəçisini qabaqlayaraq topa özü başla zərbə
endirib topu qapıya göndərmiş oldu. Məhz bundan sonra yəni Opara topa zərbə
vurduqdan sonra yerə düşərkən rəqib müdafiəçinin üstünə yıxıldı. Yəni qapıya
göndərilən topa zərbə anına qədər hər hansı bir qayda pozuntusundan söhbət etmək
absurd düşüncədir. Burada gərək ya qərəzli olasan ya da futbol anlayışın
olmasın. Əgər hakimin futbol anlayışı yoxdursa onun belə bir oyunda və ya
hakimlikdə nə işi var.

            Bir
misal gətirək. Bütün dünyada futbolda bəzi qayda-qanunlara diqqət yetirsək məsələn
futbolçu qol vurur və aşırı sevinc əlamətləri ilə bunu qeyd edirsə və ya
geyimini çıxarırsa, onda sarı vərəqə almaqla cəzalandırılır. Daha buna görə
onun vurduğu topu ləğv etmirlər ki! Çünki bu cəzaya layiq hərəkət, tam qaydalar
çərçivəsində vurulan qoldan sonra qeydə alınıb. Bundan sonra nəyin baş verməsinin
məsələyə heç bir aidiyyatı yoxdur cənab, yerli hakimlər! Əgər burda da belə vəziyyət
yəni, E. Opara yerə düşərkən hər hansı bir qayda pozuntusuna yol vermişdisə,
onda qolu qeydə almaqla ona hər hansı cəzanın verilməsi söhbət mövzusu ola bilərdi.
Çünki qol olan oyun epizodunda topa zərbə anına qədər heç bir qayda pozuntusu
baş verməmişdi. Hərçənd o qədər hündürə tullanıb topu qapıya göndərən futbolçu əlbəttə
yerə düşərkən hərəkətini nizamlaya biləcəyini bəlkə də düşünmür. Bəzən belə
hallarda o özü də zədələnərək aylarla yaşıl meydanlardan uzaq düşməli olur.

            Kamal
Quliyev də yəqin ki, bütün bunları nəzərə alıb verilişdə maraqlı bir fikir səsləndirdi:
"Bu qol İngiltərə kimi bir futbol ölkəsində vurulsaydı, qol sayılardı. Amma
bizdə bu qayda pozuntusudur.”-deməklə bəlkə də bütün həqiqətləri ortaya qoydu.
Elədir Kamal bəy! Bizdə futbol qayda-qanunları tam başqa cürdür, inkişaf etmiş
futbol ölkələrindəki kimi deyil! Bunu sən Kamal bəy, özün futbol oynayarkən də
belə görmüsən, bu elə indi də belədir. Sadəcə sən həqiqəti çox etik çərçivədə və
yumşaq söylədin. Amma bu çıxışınla "quşu gözündən vurdun”. Çox sağ ol ki, həqiqəti
deməyə cəsarət etdin-"Bizdə futbol başqa cür və başqa meyarlarla idarə olunur”!

            Bunu
hamı eşitdi, bununla da "Xəzər Lənkəran” haqsız olaraq daha iki xaldan məhrum
edildi. Bu kimlər tərəfindənsə yeyilmiş xalları 9-a çatdırdı. Halbuki, "Xəzər Lənkəran”ı
ilk pillədən 6-xal ayırır. Əhsən sənə Kamal Qulilev: -"Bizdə futbol başqa cür və
başqa meyarlarla idarə olunur”! Bunu hamı eşitdi.

            Duyduk-duymadık 
deməyin, "Xəzər Lənkəran”ın haqqını yeməyin!



Views: 467 | Added by: BOSSMAN | Dərəcələndirmə: 0.0/0
Cəmi Şərhlər: 5
0  
5 Anti-AFFA   (06/Apr/2011 18:19) [Daxil Olunan]
Futbol Saatı verlişinə baykot!

0  
4 BOSSMAN   (06/Apr/2011 13:56) [Daxil Olunan]
Məsələyə münasibət bildirməsi üçün Babək Quliyevlə əlaqə saxlayıb fikrini öyrəndik. FİFA referisi «FutbolPress»ə açıqlamasında «Xəzər Lənkəran»ın vurduğu qolun tamamilə qaydalar çərçivəsində olduğunu bildirdi: «Xəzər Lənkəran»ın qolu tamamilə qaydalar çərçivəsində vurulub. Burda başqa söhbət ola bilməz. Hakimlər Komitəsinin sədri deyir ki, hücumçu müdafiəçinin üzərinə hoppanıb və bu da qayda pozuntusudu. Bu qətiyyən düzgün fikir deyil. Həmin epizodda Opara rəqibin futbolçunun üzərinə yox, ondan hündürə hoppanıb qol vurub. Əgər Xaqani Məmmədov oyunçunun üzərinə tullanmaqla ondan hündürə hoppanmağı ayırd edə bilmirsə, onda kül Azərbaycan futbolunun başına. Yenə də deyirəm, «Xəzər Lənkəran»ın vurduğu qol təmiz qol idi».

«FutbolPress.az»


0  
3 Acacia   (06/Apr/2011 12:17) [Daxil Olunan]
Avropa cempionatinda Hakan Sukur (sehv etmiremse 2000-ci il idi) Belcikaya bele bir qol vurdu. Hakan Sukur de cox hundure tullanaraq basi ile topu qola gonderdi ve vurduqdan sonra qapicinin uzerine yixildi. Bu yixilma bizimkinden de qat qat agir idi. Netice de ne oldu ? Qol qeyde alindi, cunki topa vurandan sonra reqibin uzerine dushub ve ya yixilib. Ayil Azerbaycan hakimi.. Elinizi vicdaniza qoyun...Evinize halal corek aparin...Besdirin...

0  
2 Demir Agaci   (06/Apr/2011 12:05) [Daxil Olunan]
Hemin verilisde Xaqani bey yene cefengiyat danisirdi. El-dirsek zerbesi oldugunu qeyd etdi. Insaf da dinin yarisidir. Bu qol epizodu olan videonu butun dunyaya gondersen deyerler ki qoldur. Ayibdir. Meshur Italyan hakimi Collina bilseydi ki sizin kimi hakimler onlarin pesesine xelel getirecek hec hakim olmazdilar.
Bes bizim haqqimiz nece olacaq? Gelin bu videonu FIFA ve UEFA-ya gonderek. Hacana kimi bele olacaq axi ?

0  
1 Bahlul X_L   (05/Apr/2011 21:43) [Daxil Olunan]
Artıq maskalar açılıb, AFFA-nın Xəzər-Lənkəranla muharibəsi piq həddə çatıb.

Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz